Resoltas as axudas económicas para o alumnado que realiza formación práctica en centros de traballo ou FP dual.

Publica o DOG a relación cos  convenios de colaboración subscritos no terceiro cuadrimestre do ano 2022 pola Consellaría de Educación.

A Consellaría anuncia que a proba de lingua galega dos procedementos selectivos extraordinarios de estabilización terá lugar o día 28 de febreiro de 2023, ás 18.00 horas, no IES As Fontiñas (rúa Estocolmo 5, Santiago de Compostela).

Publicada a orde  pola que se realiza unha nova convocatoria do procedemento para que o profesorado do corpo, a extinguir, de profesores técnicos de formación profesional se integre no corpo de profesores de ensino secundario.

Convoca a Consellaría premios para o desenvolvemento de proxectos de innovación tecnolóxica ou científica e proxectos de innovación didáctica no ámbito da formación profesional.

Publica a Consellaría unhas instrucións para a actualización das medidas de ordenación académica para a validación de materias do alumnado que cursa as ensinanzas de 1º curso de Bacharelato e as ensinanzas profesionais de Música e de Danza.

Anúnciase a convocatoria da selección de centros que participarán no programa EduTecEmprende durante o curso 2022/2023.

Convoca a Consellaría o VI Concurso para o deseño do cartaz do día 8 de marzo, Día internacional da muller.

Publicada a resolución provisional de persoas admitidas e excluídas e o baremo provisional das listas de interinidades e substitucións en diversas especialidades do corpo de profesores de EOI e do corpo de profesores de música e artes escénicas.

Publicada a relación definitiva de profesorado para cubrir interinidades ou substitucións nas especialidades de PES de informática, organización e proxectos de sistemas enerxéticos, procesos e produtos de téxtil, confección e pel, sistemas electrónicos e sistemas electrotécnicos e automáticos, así como nas de PTFP de equipos electrónicos, instalacións electrotécnicas e sistemas e aplicacións informáticas.

A Consellaría anuncia a apertura dun prazo para que o profesorado que reúna os requisitos se apunte en listaxes para cubrir interinidades ou substitucións en diversas especialidades do corpo de profesores de ensino secundario e do corpo, a extinguir, de profesores técnicos de formación profesional.

Publicada a convocatoria para a selección de centros que participarán no programa Atrévete durante o curso 2022/2023.

Publica a Consellaría na súa páxina web a listaxe provisional de profesorado admitido e excluído dos procedementos selectivos extraordinarios de estabilización.

Publicada no DOG a orde pola que se ditan instrucións sobre a confección de nóminas do persoal ao servizo da Administración autonómica para o ano 2023.

No DOG publícase a orde coas normas para a aplicación do réxime de concertos educativos cos centros docentes privados para o curso académico 2023/24 e seguintes.

Publica a Consellaría as listaxes provisionais das interinidades e substitucións co profesordo admitido e excluído  das especialidades de Educación primaria e Educación infantil do corpo de mestres.

Publica a Consellaría na súa páxina web unhas aclaracións relativas á organización do final de curso 2022-2023 nas etapas de ESO e Bacharelato.

Na web da Consellaría anúnciase a resolución dos premios educativos Innovagal para os centros docentes durante o curso escolar 2022/23.

Publicadas as listaxes definitivas para a cobertura de interinidades e substitucións do corpo de mestres nas especialidades de inglés, francés, educación física, música, PT e AL.

Publicada no DOG a nova denominación do CEIP Eugenio López (Cee), que a partir de agora pasa a chamarse CEIP Vila de Cee.

O CEIP da Igrexa (Cee) pasa a chamarse CEIP de Brens.

Anúnciase o inicio do procedemento de admisión de alumnado en centros docentes que abranguerá desde o 16 de xaneiro até o 6 de febreiro.

A Consellaría informa de que, debido ás condicións metereolóxicas adversas, adoptaranse diversas medidas encamiñadas á restrición do transporte escolar durante o martes 17 de xaneiro.

Publica a Consellaría na súa páxina web a relación de vacantes provisionais para ser cubertas no concurso de traslados do presente curso 2022-2023..

Na web da Consellaría publícase a convocatoria do programa educativo “EduReferentes” para o curso 2022/23.

Publicada a convocatoria do programa educativo Iniciación segura á pegada dixital e ás redes sociais dirixido a centros educativos para o curso 2022/23.

Publicada na web da Consellaría a avaliación da comisión de selección de estadías formativas en empresas ou institucións para o ano 2022 para o profesorado dos corpos e das especialidades vinculadas ás ensinanzas de formación profesional inicial e das artes plásticas e o deseño.

Anúnciase a convocatoria de proxectos de innovación educativa en dinamización lingüística para o curso académico 2022/2023.

No DOG publícase o Decreto polo que se regula a selección, nomeamento e cesamento dos directores e directoras dos centros docentes públicos.

Publica a Consellaría na súa web a relación provisional de persoas admitidas e excluidas e o baremo provisional das listas de interinidades e substitucións en diversas especialidades de secundaria e de formación profesional.

Publicada unha orde con novas titulacións que se incorporan ás que permiten a incorporación ás listas de aspirantes a desempeñar postos docentes en réxime de interinidades e substitucións.

Publicadas no DOG as probas de acceso aos ciclos formativos de grao medio e de grao superior de formación profesional do sistema educativo e a súa convocatoria para o ano 2023

Publicada no DOG a orde pola que se aproba o calendario escolar para o curso 2022/23.

Publica o DOG unha nova disposición transitoria ao Acordo do 20 de xuño de 1995 polo que se regulan o acceso e as condicións de traballo do persoal docente interino e substituto.