CIG-Ensino

A verdadeira avaliación do sistema educativo galego é a que fai o profesorado e que a Xunta leva ignorando 17 anos

Fri, 11 Sep 2026 14:05:00 +0200

A Consellaría de Educación non levou a cabo ningún procedemento de avaliación, revisión nin de rendición de contas a respecto da súa política educativa desde a chegada de Feijóo en 2009, e moito menos de rectificación, malia que agora este avogue cinicamente por emendar algunha das súas grandes apostas en Galiza só co fin de chegar á Moncloa. Queda claro, unha vez máis, que a Educación para a Xunta é un xogo de dobre cara: privatización e partidismo, sen facer unha aposta de país real por un sistema garante da equidade e da prosperidade social.

Seguimento maioritario na primeira xornada de folga parcial no ensino concertado, a pesares dos servizos mínimos impostos

Wed, 09 Sep 2026 12:33:00 +0200

Milleiros de traballadores e traballadoras manifestáronse nas Delegacións territoriais e do edificio central da Consellaría de Educación reclamando a homologación laboral para un sector que atende ao 30% do alumnado e esixindo a apertura de negociacións na mesa Tripartita.

Un día antes de que comece o curso a Consellaría ten arredor de 1.150 vacantes de profesorado sen cubrir

Tue, 08 Sep 2026 16:36:00 +0200

Mentres o conselleiro e o resto de membros da Xunta se afanan por dar sensación de normalidade no inicio de curso con vídeos e propaganda, a realidade nos centros é ben distinta. Este mediodía quedaban aínda 388 vacantes do corpo de mestras sen adxudicar e 649 só do corpo de Secundaria, polo que os centros terán que abrirlle as portas mañá ao alumnado e comezar a actividade lectiva en horario habitual sen contar co persoal necesario. Ademais, volve haber un número moi elevado de vacantes a media xornada, un fenómeno que cada ano vai en aumento e que precariza moito as condicións laborais docentes dada a carestía da vivenda e do combustíbel.

O inicio do curso académico o próximo 9 de setembro comezará con folga no ensino concertado

Mon, 07 Sep 2026 16:25:00 +0200

Os sindicatos do ensino concertado veñen de convocar unha xornada de folga para o 9 de setembro, primeiro día lectivo do curso 2026-2027, ante a nula vontade da Consellería de establecer un calendario de negociacións para desbloquear tanto os acordos de mellora das condicións laborais como o aboamento da Paga extraordinaria de antigüidade ou os complementos de cargo dende hai máis de 17 anos, algúns deles incluso estando asinados e publicados no DOG.

A CIG-Ensino apoia as reivindicacións de máis persoal do IES Pedro Floriani de Redondela e denuncia a falta de recursos para atender o alumnado

Mon, 07 Sep 2026 16:08:00 +0200

A CIG-Ensino exixe á Consellaría de Educación que detalle o anunciado incremento de docentes por especialidades e por centros, dado que a información que está a recibir o sindicato por parte dos centros contradí a súa propaganda. Mentres a administración anuncia un incremento de persoal, son numerosos os centros que non ven atendidas as súas demandas e que deben afrontar o novo curso con recursos insuficientes.

O Cañada Blanch de Londres deixa de ofertar lingua galega como se viña facendo desde os anos 90

Mon, 07 Sep 2026 12:50:00 +0200

Segundo a información publicada pola Consellaría en agosto, esta comprometíase a sufragar unha praza provisional durante este curso coa condición de que o Ministerio asegurase en vindeiros curso a continuidade deste proxecto. A día de hoxe a única certeza é que non se vai ofertar a materia de Lingua este curso e que non hai ningún movemento que indique que se volva facer nos próximos.

Comunicado por mor dos servizos mínimos para a folga do 9 de setembro no ensino concertado

Fri, 04 Sep 2026 16:29:00 +0200

A continuación reprodúcese o comunicado íntegro aprobado polas organizacións convocantes.

Persoal da Fundación Lar de Vilagarcía mobilízase contra os despidos e as sancións

Thu, 03 Sep 2026 10:32:00 +0200

Persoas traballadoras e representantes sindicais da CIG na Fundación Lar Pro Saúde Mental de Vilagarcía de Arousa desenvolveron hoxe unha concentración diante do centro de rehabilitación psicosocial que xestiona esta entidade sen ánimo de lucro na rúa Muíño Novo, no lugar da Laxe, para rexeitar os despidos, as sancións, o abuso de poder e as presións da dirección do centro contra o cadro de persoal.

Convocada folga parcial no ensino concertado o primeiro día de curso e concentracións en cinco localidades galegas

Tue, 01 Sep 2026 16:10:00 +0200

Todas as organizacións con representación no ensino concertado galego veñen de convocar mobilizacións para este inicio de curso que terán o seu colofón cun paro laboral de 9 a 12 horas da mañá o primeiro día de curso e concentracións ese mesmo día ás 10 da mañá diante das Delegacións Territoriais da Consellaría de Educación na Coruña, Lugo, Ourense e Vigo e diante da sede central en San Caetano.

As licenzas por formación da Consellaría, sen retribuír e insuficientes

Fri, 14 Aug 2026 11:41:00 +0200

Na súa liña de recortes de dereitos do profesorado, a Consellaría de Educación aséntase na decisión de eliminar as licenzas por formación retribuídas para ofertar unicamente as non remuneradas e, á súa vez, dotalas cun ridículo número de meses.

A CIG denuncia que o preacordo entre a Xunta, CEG e UGT confirma a criminalización das baixas médicas e reforza o papel das mutuas

Wed, 12 Aug 2026 12:57:00 +0200

A CIG critica que o preacordo subscrito entre a Xunta de Galiza, a CEG e a UGT sobre a xestión das incapacidades temporais -pendente de coñecer con máis detalle os contidos exactos do mesmo- non introduce ningunha modificación de fondo respecto das políticas impulsadas polo Partido Popular. Cambia a denominación da problemática das baixas laborais pero consolida un modelo baseado no control das persoas traballadoras, no reforzo do papel abusivo das mutuas e na criminalización das baixas médicas. “Estamos ante un preacordo que fai un branqueamento dos anuncios e das mentiras repetidas mil veces pola patronal, da que o PP se fixo máximo defensor e agora UGT colaborador”.

Falece Maite Caramés, cofundadora da UTEG e pioneira do sindicalismo nacionalista no ensino na clandestinidade

Wed, 12 Aug 2026 09:45:00 +0200

Maite Caramés participou activamente na loita pola estabilidade do Profesorado Non Numerario (PNNs), similar ao profesorado interino actual, pola renovación pedagóxica participando nas xornadas de Maceda censuradas polo franquismo e pola presenza das mulleres en todos os eidos, "que eran maioría no ensino e sen as que non tería sido posíbel" a creación do primeiro sindicato nacionalista galego hai agora 52 anos. Docente de Secundaria, o seu nome aparecía nas listaxes de persoas ás que querían asasinar os golpistas do 23 F, polo que se vai unha das persoas que arriscou a súa vida, o seu traballo e a súa liberdade pola construción da nación galega. Hoxe será despedida ás 6 da tarde no cemiterio de San Andrés de Xeve en Pontevedra.

Publicado no DOG o persoal que superou as oposicións. Documentación, prazos e recursos

Mon, 03 Aug 2026 12:06:00 +0200

A partir desta publicación ábrense diversos prazos. En primeiro lugar o prazo para que o persoal seleccionado entregue a documentación pertinente que será do 5 de agosto ao 1 de setembro. En segundo lugar, os prazos para presentar recurso potestativo de reposición fronte a esta listaxe, que será de un mes desde mañá, é dicir, até o 2 de setembro, ou de dous meses se se trata dun recurso contencioso-administrativo, até o 2 de outubro, incluído.

Publicada a resolución definitiva do CADP para o curso 2026/27

Mon, 03 Aug 2026 09:32:00 +0200

Resolución da adxudicación definitiva

Resolución. Ligazón

Instrucións da toma de posesión para todos os corpos. Ligazón

Corpo de mestras

Adxudicación definitiva Mestres (Orde Alfabética). Ligazón

Adxudicación definitiva Mestres (Orde adxudicación). Ligazón

Outros corpos

Adxudicación definitiva Secundaria e outros (Orde Alfabética). Ligazón

Adxudicación definitiva Secundaria e outros (Orde adxudicación). Ligazón

A Xunta pecha dous ciclos no CIFP Leixa deixando a comarca de Ferrolterra sen opcións de estudar Promoción da igualdade de xénero

Fri, 31 Jul 2026 14:06:00 +0200

A Consellaría trasladoulle ao centro xusto antes da adxudicación definitiva de docentes provisionais para o vindeiro curso, prevista para o próximo luns, que se cancelaba a matrícula no CM de Preimpresión Dixital e no CS de Promoción de igualdade de xénero a distancia, influíndo na redución de persoal e deixando a comarca sen esta oferta formativa.

A CIG-Ensino cualifica o documento base do Ministerio para reformar o sistema de ingreso docente de “escaso calado”

Thu, 30 Jul 2026 19:59:00 +0200

As negociacións comezarán a partir de setembro e en calquera caso non afectarán ás oposicións de 2027.

O Ministerio acepta baixar a ratio da FP básica a 15, unha demanda da CIG-Ensino que debera entrar en vigor o vindeiro curso

Thu, 30 Jul 2026 18:45:00 +0200

“Un avance positivo, aínda que podería ser máis ambicioso”. Así cualificou a secretaria nacional da CIG-Ensino, Laura Arroxo, a proposta incorporada polo Ministerio no documento de negociación para modificar o RD 659/2023 polo que se desenvolve a ordenación do sistema de Formación Profesional. A principal novidade é a aceptación da baixada das ratios na FP básica a 15 por aula, unha demanda do sindicato tanto no marco de negociación estatal como no galego e que, de acordo á normativa, debería empezar a aplicarse xa desde setembro de 2026.

O profesorado especialista continuará un curso máis na súa situación actual e obterá adxudicación no CADP

Wed, 29 Jul 2026 17:31:00 +0200

En principio a administración avanzou que a súa intención é manter a orde das listas vixentes e comprometeuse a negociar ao longo do vindeiro curso en que consistiría o paso a persoal laboral, e polo tanto a perda da condición de funcionariado, deste profesorado. A CIG-Ensino esixirá que este cambio non supoña unha redución de dereitos laborais nin unha perda de calidade nas ensinanzas impartidas.

As cifras do CADP provisional: tan só 396 docentes máis totais, a redución de 125 vacantes na especialidade de Primaria e menos de 100 PT para Secundaria

Mon, 27 Jul 2026 13:03:00 +0200

A CIG-Ensino pídelle á Consellaría que rectifique e na adxudicación definitiva de destinos, prevista para o 3 de agosto, cubra as necesidades de todos os centros dado que non cumpre con ningunha das dotacións que prometeu (estabilización de PT e AL por riba de catálogo nos centros de infantil e primaria e a maiores 50 prazas de Orientación e 100 de PT para Secundaria).

Publicada a resolución provisional do CADP para o curso 2026/27

Fri, 24 Jul 2026 07:23:00 +0200

Resolución da adxudicación provisional

Resolución. Ligazón

Adxudicación provisional Mestres (Orde Alfabética). Ligazón

Adxudicación provisional Mestres (Orde adxudicación). Ligazón

Adxudicación provisional Secundaria e outros (Orde Alfabética). Ligazón

Adxudicación provisional Secundaria e outros (Orde adxudicación). Ligazón

A CIG-Ensino apoia as reivindicacións de máis persoal do IES Alexandre Bóveda de Vigo e anima aos centros a facer públicas as súas necesidades non atendidas

Thu, 23 Jul 2026 13:34:00 +0200

O sindicato esixe á Consellaría de Educación que detalle o incremento de docentes por especialidades e por centros, dado que a información que recibe por parte dos destes contradí a súa propaganda. Nestes intres, o único que confirmou a administración é que desaparece o Plan Mega, polo que haberá menos persoal en infantil e primaria. E nos centros de secundaria e FP, nomeadamente, estase a repetir o reparto provisional de grupos tras serlles confirmado o cupo de persoal para o próximo curso, quedando na maior parte dos casos por debaixo das súas peticións.

25 de Xullo, Día da Patria. A clase traballadora galega pola soberanía nacional e a xustiza social

Tue, 21 Jul 2026 16:30:00 +0200

Desde a CIG, no que levamos de ano, promovemos numerosas folgas e mobilizacións nas que a clase traballadora galega estamos protagonizando loitas importantes na defensa dos nosos dereitos; como clase traballadora, pero tamén, como nación, como pobo que queremos decidir sobre os nosos recursos, o noso desenvolvemento, as nosas condicións laborais e salariais. Loitas pola igualdade real, por ter máis dereitos socias, por revitalizar o noso idioma, porque o galego é lingua vital.

A CIG aborda coa Intersindical catalá e valenciana o papel dos sindicatos nacionalistas e de clase nos conflitos laborais docentes

Tue, 21 Jul 2026 11:29:00 +0200

O deterioro do ensino público e a desvalorización da profesión docente como orixe común do conflito e tres realidades diferentes en canto á actitude dos gobernos autonómicos, a unión sindical e a estratexia de loita. Estes foron os eixos sobre os que xirou un encontro celebrado entre representantes da CIG-Ensino, a Intersindical catalá e o STEPV, principal sindicato da Intersindical valenciana, para analizar as mobilizacións docentes que se viviron historicamente nestes tres territorios ao longo deste curso.

O Plan da Lingua Galega: nin derroga o Decreto culpábel nin aposta pola galeguización real do ensino

Fri, 17 Jul 2026 12:11:00 +0200

Retroceso envolto en fastosidade e artificialidade. A lectura que fai o sindicato maioritario no ensino público galego, desde infantil até a Universidade, do novo Plan da Lingua Galega é tremendamente crítica porque, malia empregar eufemismos como “perda de saúde do galego” e recoñecer a “urxencia” da situación lingüística, moitas das medidas propostas son involucionistas a respecto do Plan Xeral de 2004.

A CIG pide a dimisión da conselleira de Política Social por defender os intereses do empresariado do sector das escolas infantís e esquecer a traballadoras e crianzas

Wed, 15 Jul 2026 13:16:00 +0200

A Conselleira de Política Social, Fabiola García, vén de afirmar que se o goberno central aproba as novas ratios para a educación infantil (4 nenos e nenas de 0-1 ano, 6 de 1 a 2 anos e 8 de 2 a 3 anos) estará en risco a gratuidade das escolas infantís en Galiza. A CIG que, a través da federación da Administración e de Ensino, defende os dereitos das traballadoras tanto das escolas públicas como privadas, cualifica esta ameaza de “intolerábel” e pide que presente inmediatamente a súa dimisión por poñerse do lado dos intereses económicos das empresas do sector e desprezar o benestar do alumnado e os dereitos laborais das traballadoras. Neste sentido cómpre poñer en situación as ratios totalmente abusivas actuais (8,13 e 20 por educadora respectivamente), que claramente imposibilitan que as crianzas estean ben atendidas e que se poidan desenvolver os proxectos educativos propios deste nivel.