CIG-Ensino

A CIG-Ensino apoia as demandas das familias do CEIP Arias de la Maza e CEIP Varela Buxán de Lalín para que se restitúa o persoal coidador de ambos centros

Fri, 15 May 2026 14:55:00 +0200

A CIG-Ensino quere denunciar que a falta destes profesionais está a provocar importantes dificultades na atención diaria do alumnado con necesidades específicas de apoio educativo, afectando non só ao benestar dos nenos e nenas, senón tamén ao funcionamento normal dos propios centros educativos. Considera inadmisible que se reduzan ou eliminen recursos humanos fundamentais nun sistema educativo que debe garantir a igualdade de oportunidades e a atención individualizada de todo o alumnado.

A CIG-Ensino insta ao profesorado a reivindicar todas as facetas de Begoña Caamaño fronte á censura da Xunta e a participar activamente na manifestación do 17

Fri, 15 May 2026 13:12:00 +0200

Queremos Galego convoca baixo o lema “O galego, lingua vital”, unha manifestación en Compostela este domingo que partirá ás 12 da Alameda e para que hai habilitados servizos de buses desde sete puntos do país. A CIG-Ensino chama a participar masivamente a profesorado e alumnado para defender o ensino en galego, un dos elementos fundamentais para reverter a situación actual da nosa lingua e garantir o seu futuro.

Persoal dos sectores de discapacidade, menores e infantil 0-3 exixe dignidade laboral e salarial

Wed, 13 May 2026 18:31:00 +0200

Delegadas e delegados concentráronse nas dependencias de Política Social da Coruña (Edificio Amizar) para reclamar condicións laborais e salariais dignas para o persoal de atención á discapacidade, centros de protección de menores e reforma, e educación infantil na etapa 0-3, que realizan o seu traballo en centros privados ou coa xestión privatizada.

A CIG-Ensino solicita unha nova mesa sectorial para continuar a negociación pero a Consellaría só se compromete a revisar as propostas que o sindicato presentou hoxe

Wed, 13 May 2026 14:29:00 +0200

Entre as principais reclamacións destacan a recuperación do horario das 21 horas para o corpo de mestras, as reducións por titorías e coordinacións e a actualización da dedicación horaria dos equipos directivos dos centros de infantil, primaria e educación especial. A respecto do horario de Secundaria, FP e ensinanzas de réxime especial incidiuse na recuperación sen excepcionalidades das 18 horas lectivas, unha compensación para os centros nos que as sesións duran 60 minutos, blindar a redución horaria da titoría, recuperar a hora de reunión de departamento, manter as condicións actuais para a xefatura de departamento e as coordinacións de dinamización da lingua galega e FCT dado que o novo texto supón un retroceso e que se inclúa a formación de todo o profesorado dentro do horario lectivo

Información da Mesa Sectorial do mércores 13 de maio

Wed, 13 May 2026 10:00:00 +0200

A CIG-Ensino, FSIE, UGT, CCOO, USO e SNEP anuncian novas mobilizacións no ensino concertado ante a calada por resposta da Consellaría que se amosa coma unha auténtica fábrica de conflitos

Mon, 11 May 2026 11:40:00 +0200

Todas as OOSS con representatividade no ensino concertado volveron trasladar formalmente e por escrito este luns á Dirección Xeral de Recursos Humanos da Consellería de Cultura, Educación, Formación Profesional e Universidades, a súa fonda preocupación pola situación que atravesa o ensino concertado en Galiza e, ao mesmo tempo, reafirmar a súa exixencia de apertura dun proceso de negociación real, efectivo e respectuoso, convocando a Mesa Tripartita, que permita avanzar cara á recuperación de dereitos e melloras substanciais laborais e salariais para o persoal do sector, así como a mellora da calidade educativa en Galiza.

Queremos Galego cita a sociedade o 17 de maio en Compostela, nunha grande mobilización en defensa da nosa lingua

Mon, 11 May 2026 10:24:00 +0200

Queremos Galego e organizacións políticas, sindicais, profesionais, sociais e culturais que participaron na elaboración do protocolo Lingua Vital presentaron esta mércores en rolda de prensa os pormenores da manifestación que percorrerá as rúas de Compostela o vindeiro 17 Maio, en defensa da nosa lingua.

Primeira semana do Correlingua con miles de rapaces e rapazas celebrando o galego polas rúas de Compostela, A Coruña e Moaña

Fri, 08 May 2026 20:31:00 +0200

Música, faixas, lemas, creatividade, enerxía e sobre todo bo ambiente e un obxectivo compartido: marchar xuntos, profesorado e alumnado, polo presente e futuro do noso idioma baixo o lema da XXVI edición do Correlingua: Co galego no corazón facemos a revolución!

A comunidade educativa galega volveu encher as rúas para demandar un ensino público con recursos e de calidade

Thu, 07 May 2026 11:52:00 +0200

No manifesto final lido en todas as convocatorias lembrouse que “o ensino público, nin se vende nin se instrumentaliza” e que “se o sistema falla estalle fallando ao alumnado máis vulnerábel”.

A CIG-Ensino reclama a convocatoria inmediata da Mesa Sectorial e denuncia que a Consellaría está presentando o “acordo” como “pechado” a direccións dos centros

Tue, 05 May 2026 22:38:00 +0200

Laura Arroxo, secretaria nacional da CIG-Ensino, contrasta a actitude da Consellaría de Educación coa de Sanidade, que si se reúne co sindicato maioritario tanto na Mesa Sectorial como no comité de folga e negocia para chegar a acordos. En resposta a Rueda incide en que “é impropio dun presidente da Xunta non respectar a representación sindical” e lémbralle que “esta ten tanta lexitimidade como a institucional e que as maiorías son iguais na Mesa Sectorial que no Parlamento”. Ademais, evidenciou que “a proba de que o acordo xa está pechado e de que traelo á Mesa Sectorial será un mero paripéestá en que esta mesma semana a Dirección territorial de Lugo vai presentar o seu contido ás direccións dos centros, tal e como se recolle nun email enviado onte”.

Delegados/as do ensino concertado concéntrase diante da Consellería de Educación en prol das súas xustas e lexítimas reivindicacións

Tue, 05 May 2026 17:35:00 +0200

Varios centos de delegados e delegadas dos colexios concertados de Galicia concentráronse hoxe en Santiago en fronte da Consellería de Educación amosando o seu fastío coa actitude da Xunta cara as condicións laborais e salariais dos traballadores e traballadoras do sector.

Arranca o Correlingua 2026 baixo o lema “Co galego no corazón facemos a revolución”

Tue, 05 May 2026 11:25:00 +0200

Hoxe ten lugar en Compostela a primeira das 12 carreiras e festas que ateigarán de reivindicación e de celebración da nosa lingua a partes iguais vilas e cidades galegas e que teñen o estudantado como protagonista.

O profesorado permanente e contratado doutor da UDC cobrará o complemento do IPC galego desde maio

Tue, 05 May 2026 08:11:00 +0200

Todo o profesorado permanente laboral (PPL) e contratado doutor (PCD) da Universidade da Coruña percibirá un incremento na súa nómina do mes de maio vinculado co concepto de “IPC galego” e que na actualidade só cobraba o PDI funcionario.

A comunidade educativa galega volverá ás rúas o 6 de maio en defensa do ensino público

Sat, 02 May 2026 21:31:00 +0200

A comunidade educativa galega volverá saír á rúa o vindeiro mércores 6 de maio pola tarde para reclamar un ensino público galego con máis medios, máis profesorado e mellores condicións nos centros.

Milleiros de persoas mobilízanse coa CIG este 1 de Maio contra o imperialismo, pola paz, por traballo digno e dereitos

Sat, 02 May 2026 13:06:00 +0200

No día do internacionalismo proletario, milleiros de persoas mobilizáronse coa CIG en 20 localidades para rexeitar as agresións imperialistas e a apoloxía da guerra, demandar paz e soberanía para todos os pobos do mundo e reivindicar que en Galiza teñamos traballo digno e dereitos. Este ano, a CIG acordou levar a súa mobilización central do Primeiro de Maio até Lugo en resposta á deriva “autoritaria e golpista” do PP, “que vén de dar un paso máis nas súas actitudes antidemocráticas asaltando o Goberno municipal cunha moción de censura indigna e inaceptábel”.

Desta vai!! Un mes de maio e xuño cheo de mobilizacións nos tres sectores de atención ás persoas

Thu, 30 Apr 2026 18:32:00 +0200

A CIG convoca 20 mobilizacións este 1º de Maio pola paz, contra o imperialismo e para reclamar traballo digno e dereitos

Wed, 29 Apr 2026 10:14:00 +0200

A CIG convoca 20 mobilizacións noutras tantas localidades neste Primeiro de Maio, Día internacional da clase traballadora, baixo o lema “Contra o imperialismo, paz e soberanía. Na Galiza, traballo digno e dereitos”. A central nacionalista fai un chamado a converter esta día nunha xornada de loita e mobilización para avanzar en dereitos, exixir dos gobernos políticas alternativas e da patronal xustiza social, mais tamén polo respecto a poder exercer a plena soberanía, o dereito de autodeterminación e a capacidade de decidir libremente.

Profesorado farto de propaganda toma Compostela na sexta xornada de folga no ensino público

Tue, 28 Apr 2026 19:49:00 +0200

A mobilización desenvolveuse no marco da nova xornada de folga convocada en todo o ensino non universitario e rematou diante do complexo administrativo da Xunta en San Caetano coa lectura dun manifesto a cargo de sete docentes que representan a distintos colectivos e ensinanzas (infantil, primaria, secundaria, orientación, formación profesional, ensinanzas de réxime especial e persoal interino e substituto). Coa de hoxe, son xa seis as convocatorias de folga que secunda o profesorado dende que comezou o curso actual, despois de 16 anos de recortes aplicados polo Goberno do PP.

O profesorado galego irá mañá á folga por sexta vez este curso para negociar melloras laborais reais e a garantía do seu cumprimento

Mon, 27 Apr 2026 16:06:00 +0200

Desde primaria e infantil, pasando por secundaria, bacharelato, formación profesional e ensinanzas de réxime especial, o ensino público non universitario mantén o pulso coa Consellaría “despois dun anuncio propagandístico máis pero sen un texto concreto sobre o que negociar”.

A convocatoria da sexta xornada de folga fai reaxir á Consellaría coa redución de ratios e horarios en secundaria pero segue sen atender as demandas de todo o profesorado

Fri, 24 Apr 2026 16:45:00 +0200

Nunha valoración inicial, a CIG-Ensino considera que, ademais de que as medidas que se anuncian para Secundaria e outras ensinanzas responden ao cálculo político da Xunta de adiantarse ao Proxecto de Lei do goberno central, o resto de medidas son insuficientes ou falta concreción. A respecto da renovación do catálogo de postos de traballo para os centros de infantil e primaria, proposta presentada en solitario na Mesa Sectorial do mes de outubro pola CIG, lembra que asinaron ese acordo en 2007 e que se se quere aprobar para o curso que vén ten que comezar a negociarse xa, ao igual que o incremento de persoal especialista para atender a diversidade e de orientación para centros de secundaria e outras ensinanzas.

Os servizos mínimos da folga do 28 de abril, martes, son dunha persoa da dirección

Fri, 24 Apr 2026 10:06:00 +0200

Os Servizos mínimos anunciados pola Consellaría para a súa negociación co comité de folga non teñen novidade algunha sobre os das últimas xornadas de folga, e aínda sendo aceptábeis, dificultan que o profesorado das unitarias exerza o seu dereito a folga con normalidade, polo que o comité de folga non os aceptou e serán publicados sen acordo.

A CIG-Ensino logra melloras significativas para o futuro Protocolo de Acoso

Thu, 23 Apr 2026 20:56:00 +0200

A CIG-Ensino e outras organizacións sindicais do ensino concertado fan entrega, no rexistro e na secretaría do conselleiro Román Rodríguez, dun escrito reivindicativo e de petición de convocatoria da Mesa tripartita

Thu, 23 Apr 2026 13:37:00 +0200

Despois da reunión da Comisión Tripartita do Ensino Concertado celebrada o pasado mércores 8 de abril, puramente informativa, onde a Consellería non cumpriu co seu compromiso de iniciar a negociación de novos acordos e afirmou que tocaba estabilizar o Acordo da Xubilación Anticipada, sen máis que negociar, as organizacións sindicais CIG-Ensino, SNEP, USO, FSIE, CCOO e UGT solicitaron a convocatoria da Comisión Tripartita, propondo de xeito preferente iniciar as negociacións en tres puntos básicos:

Desbloqueo da Disposición adicional 12ª dos orzamentos, que impide a execución do Acordo do 24 de abril de 2008 sobre condicións laborais e calidade do ensino, publicado no DOG do 30 de maio de 2008, coa subida salarial actualizada. Propoñemos a firma dun novo acordo de condicións laborais do ensino concertado onde se aborden tanto o aboamento dos complementos económicos actualizados como a redución da carga lectiva co conseguinte incremento de cocientes.
Addenda ao Acordo de xubilación parcial para mellorar tanto o seu ámbito subxectivo como obxectivo, coa inclusión do persoal de pago privado indebidamente excluído, como a negociación doutras melloras no acordo.
Complemento salarial autonómico directo e finalista para o Persoal de Administración e Servizos.

A Consellaría executa e anuncia plans millonarios para a FP sen que se traduza nunha mellora das condicións laborais do profesorado nin nun incremento considerábel da oferta pública

Wed, 22 Apr 2026 15:19:00 +0200

Nunha concentración de delegados e delegadas coincidindo coa xornada inaugural do FP Innova, púxose de manifesto que se hai un profesorado que cada vez ten menos peso no seu traballo puramente docente e unhas ensinanzas nas que o sector privado campa ás súas anchas tanto en oferta como en influencia esa é a Formación Profesional. Ademais, agora coa consolidación da figura do profesorado asociado o risco de que se privatice tamén a docencia é xa unha realidade. O propio presidente Rueda anunciou esta medida estrela na aprobación do Decreto Galego de FP que, xunto co persoal experto do sector produtivo e o senior de empresa, permitirá que persoas sen titulación afín nin formación pedagóxica poidan compatibilizar o seu traballo público e privado e sexan contratadas directamente pola Consellaría sen necesidade de pasar ningún proceso selectivo. Por todas estas afrontas, a CIG-Ensino entregoulle aos asistentes unha táboa reivindicativa específica para estas ensinanzas e fai un chamamento especial ao profesorado de FP a secundar masivamente a folga do 28 de abril.

A Consellería de Educación aplica a censura na formación do profesorado amparándose na “neutralidade ideolóxica”

Wed, 22 Apr 2026 00:18:00 +0200

A CIG-Ensino súmase á denuncia feita pública polo movemento de renovación pedagóxica ao entender que se trata dunha mostra máis da censura ideolóxica que quere aplicar o goberno galego ao ensino público, neste caso nunha actividade de formación do profesorado. Mentres o conselleiro de Educación mantén nos seus postos ao subdirector xeral da Inspección e Avaliación Educativa que tachou de clase ociosa ao profesorado e publicou artigos de ideoloxía ultra e ao director territorial da Coruña que fixo comentarios machistas e franquistas á vez que foi investigado polo Tribunal de Contas por malgastar cartos públicos en comidas e bebidas alcólicas. Ademais, hoxe mesmo están presentes numerosos directivos de grandes empresas nun Congreso organizado pola Dirección Xeral de FP e nas charlas organizadas para alumnado de secundaria proxectouse material publicitario dun partido de ultradereita. A Consellaría demostra así, unha vez máis, que nas aulas galegas só entra a ideoloxía que os seus cargos políticos queren.