A CIG-Ensino reelixiu este sábado a Suso Bermello como secretario nacional por 133 votos a favor, 0 nulos e 9 en branco no seu VIII Congreso, no que as 200 delegadas/os asistentes analizaron o traballo desenvolvido neste período e definiron as liñas de acción sindical que guiarán á federación nos vindeiros catro anos.

O VIII Congreso elixiu tamén a nova executiva que recibiu 141 votos a favor, 0 nulos e 1 en branco e queda conformada por Suso Bermello García, Laura Arrojo Reguera, Xosé Manuel Nogueira Rodríguez, Marta Ferreiro Fernández, Ana Rodiño Domínguez, Diego Boquete Sánchez, Teresa Carballido Salgado, Henrique García Vázquez, Elena Añel Cabanelas, Xosé Anxo Terán Comesaña, Maruxa Martínez Nogueira e Montse Pernas Bellas.

Seguir lendo

O VIII Congreso da CIG-Ensino celebrarase o sábado 13 de novembro no Auditorio de Galiza

Nesta xornada as delegadas e delegados e membros do Consello Federal analizarán o traballo desenvolto neste período e fixarán os obxectivos para os próximos 4 anos.

En Compostela, no local nacional do sindicato maioritario do ensino público en Galiza presentouse en rolda de prensa o VIII Congreso, que terá lugar o vindeiro 13 de novembro no Auditorio de Galiza baixo o lema “Imos” e coa indicación certa de que o camiño que seguirá a percorrer a CIG-Ensino será na defensa dun ensino centrado no país, por un profesorado con dereitos e baixo a premisa da igualdade. Na véspera da sesión do Congreso terá lugar un Encontro Sindical  coas delegacións internacionais convidadas na que se realizará unha análise sobre os retos que afrontan os respectivos sistemas educativos e da resposta sindical a eses retos.

Seguir lendo