• Máis información

  

  XXII Xornadas de Educación Infantil

  27 de abril, IES As Fontiñas, Santiago.

  Ligazón á matrícula, aberto até o xoves 25.

  PROGRAMA
  De 9:45 a 10h: Recepción e entrega de material.
  De 10h-12h: Exercitar o pensamento de xeito lúdico. Mar Santiago, profesora do CEIP Emilia Pardo Bazán
  Trátase de enfrontarse ao reto de acompañar aos nenos e nenas a medrar nun mundo tan complexo como o noso, dun xeito distentido, reflexionando sobre o que acontece ao seu arredor, intercambiando preguntas e respostas, a aula convértese nun espazo onde dialogar democráticamente e romper patróns de pensamento que non admitan a existencia do insólito, do imprevisto ou do inesperado.
  12h-14h: O espazo como terceiro educador. Inés Fernández Núñez da E.E.I A Galera de Oleiros
  Entendemos o espazo como un lugar no que a nena e o neno poidan identificarse para crear novas experiencias mediante o xogo creativo e espontáneo, o xogo serve como mediador entre a nena e o neno e a súa contorna para satisfacer á necesidade de enfrontarse á realidade e transformala. Deste modo presentaremos distintos espazos escenógraficos dentro das salas da Escola, espazos para experimentar, compartir, construir, transformar, interactuar...
  16h00-1800h. De aquí para alí, Ruth Caramés de Fabaloba, http://aliali.gal
  De xeito lúdico e participativo, iremos dando conta dos recursos dos que dispomos profesionais e familias para a educación das pequenas e pequenos de 0 a 6 anos. Amosaremos unha manchea de materiais a través de contos, xogos e outras actividades que poderán servir de inspiración para a posterior aplicación na aula ou na casa.
  18h00-20h00: A volta ao mundo. Soledad Felloza, contadora e actriz.
  “O mundo existe dende o momento que o contamos. O mundo necesita que o conten para existir. Cada palabra non dita é un anaco de nós, do noso que esvaece”
  20:00h. Clausura

Ligazón á matrícula, aberto até o xoves 25.

• Máis información

  XVIII Xornadas de Lingua e Literatura

  27 de abril, IES As Fontiñas, Santiago.

  Ligazón á matrícula, aberto até o xoves 25.

  Ligazón ao programa das xornadas

  Nestas Xornadas abordaremos recursos existentes para ler con perspectiva de xénero nas aulas de Secundaria, da man da profesora Montserrat Pena. Conversaremos con Ledicia Costas sobre a a súa obra e debateremos sobre a situación actual da nosa lingua no ensino con Marta Dacosta, docente e escritora, Valentín García, secretario xeral de Política Linguüística e Marcos Maceira, presidente da Mesa pola Normalización Lingüística.

  Xa pola tarde o profesor Xoán López Viñas guiaranos a través de novas pesquisas de gramática histórica para abordar o comentario filolóxico. Coas profesoras Sofía Rama e Sonia Ortigueira trataremos a metodoloxía TIL para traballar a lingua cun enfoque comunicativo e normalizador.

  Mario Regueira, crítico literario, amosaranos a súa visión sobre o ensino da narrativa galega.

  Coa editora e coordinadora e especialista en contidos para o elearning Iolanda Gómis achegarémonos aos recursos TIC para a aprendizaxe do galego na era da comunicación.

  E xa para rematar o profesor e escritor Héctor Cajaraville afondará na figura do homenaxeado este ano no Día das Letras coa ponencia Antón Fraguas, por riba de todo un mestre. 

  Como peche asistiremos á presentación do libro-disco Pondaliana, quince poemas de Eduardo Pondal musicados.

Ligazón á matrícula, aberto até o xoves 25.