Anúnciase a próxima apertura de listaxes para cubrir interinidades ou substitucións en matemáticas (secundaria) e en instalación e mantemento de equipos térmicos e fluídos (profesorado técnico de formación profesional).

Na web da Consellaría a resolución definitiva coa relación de centros e docentes premiados na iniciativa Innovagal para o profesorado e os centros docentes públicos durante o curso escolar 2020/2021.

Publícase na web da Consellaría a relación provisional de persoal admitido e excluído así como o baremo provisional para cubrir interinidades e substitucións na especialidade de procesos sanitarios (secundaria).

O Ministerio de Educación e Formación Profesional abre a convocatoria de auxiliares de conversa estranxeiros en España para o curso escolar 2021/2022. Convócanse prazas de lingua alemá, chinesa, francesa, inglesa, italiana, portuguesa e rusa.

Publicada na web da Consellaría a información relativa ao proceso de renovación no Programa de Auxiliares de Conversa en Galicia dirixida aos participantes en activo deste programa durante o curso 2020/2021 que desexen renovar durante o curso 2021/2022.

Publica a Consellaría o anuncio de apertura de listaxes de interinidades e substitucións para impartir docencia nas ensinanzas deportivas de grao medio de vela no corpo de profesores de ensino secundario e de profesorado especialista.

Na web da Consellaría a relación provisional de persoas admitidas e excluídas e o baremo provisional das listas de interinidades e substitucións en física e química (secundaria).

Publicada a relación provisional de profesorado admitido e excluído e o baremo provisional das listas de interinidades e substitucións de tecnoloxía (secundaria).

Na web da Consellaría publicada a relación provisional de persoal admitido e excluído e o baremo provisional para cubrir interinidades e substitucións na especialidade de laboratorio no corpo de PTFP.

Publicada a resolución da IX edición dos premios a curtas de animación en galego do programa  Nós tamén creamos!

Publícase no DOG a modificación da orde que convocaba oposicións para o 2021 onde aparece unha ampliación da oferta en varias especialidades de formación profesional.

Publicada a resolución de centros seleccionados nos programas enmarcados no Plan de Emprendemento no Sistema Educativo de Galicia, Eduemprende.

Publicada na web da Consellaría a relación definitiva de profesorado admitido e excluído para cubrir interinidades e substitucións na especialidade de secundaria, especialidade de música.

Na web da Consellaría a listaxe definitiva de profesorado admitido e excluído e o baremo definitivo para cubrir interinidades e substitucións en lingua e literatura galegas (PES).

Anuncia o DOG a convocatoria de subvencións para a presentación de proxectos de fomento do uso do galego dos centros de titularidade privada para o curso escolar 2020/21.

No DOG a convocatoria de axudas para a presentación de proxectos de fomento do uso do galego dos centros públicos para o curso escolar 2020/21.

No DOG a oferta de emprego público correspondente a prazas de persoal funcionario do corpo de profesores técnicos de FP.

Anuncia a Consellaría a apertura de listaxes para cubrir interinidades ou substitucións nas especialidades de navegación e instalacións mariñas (PES) e máquinas, servizos e produción (PTFP).

Publica o DOG a regulación das axudas a centros privados concertados para a contratación de auxiliares de conversa.

A Axencia para a modernización tecnolóxica de Galicia convoca a selección de centros para participar no proxecto Digicraft no teu cole no marco do Plan Digitalent durante os cursos 2020/21 e 2021/22.

Publicada no DOG a resolución da convocatoria de axudas para centros privados concertados no ámbito das bibliotecas escolares e o fomento da lectura para o curso 2020/21.

Anúnciase a convocatoria dun concurso sobre a figura de Xela Arias, autora homenaxeada no Día das Letras do ano 2021.