Desde aquí poderás consultar a páxina web da Consellaría onde aparece a listaxe coa resolución provisional pola que se declara a procedencia ou improcedencia da concesión das comisións de servizos por razóns de saúde para o profesorado do corpo de mestres.

Desde aquí poderás consultar o DOG do 27 de xuño onde se publican as ordes que regulan a organización e o currículo do Bacharelato, así como a relación das optativas a impartir neste nivel, así como o seu currículo.

A Consellaría de Educación publicou o martes 24 de xuño a resolución provisional pola que se declara a procedencia ou improcedencia da concesión das comisións de servizos por conciliación da vida familiar e laboral. O PRAZO DE RECLAMACIÓNS é de 4 días naturais contados a partir do seguinte ao da publicación deste anuncio na web da Consellaría. Non hai aínda data sinalada para as comisións de servizo dos distintos corpos de secundaria.

Desde aquí poderás consultar o DOG do 24 de xuño onde aparece a Orde do 23 de xuño de 2008 pola que se modifica a do 21 de decembro de 2007 pola que se regula a avaliación na educación secundaria obrigatoria na Comunidade Autónoma de Galicia.

Desde aquí poderás consultar o DOG do 23 de xuño onde se publica o Decreto 126/2008, do 19 de xuño, polo que se establece a ordenación e o currículo de bacharelato na Comunidade Autónoma de Galicia.

Desde aquí poderás consultar a Orde do 13 de xuño de 2008 (no DOG do 19 de xuño) pola que se modifica a do 21 de febreiro de 2007 pola que se regula a organización, o funcionamento e a xestión do servizo de comedor escolar nos centros docentes públicos non universitarios dependentes desta consellería.

Resolución do 10 de xuño de 2008, da Secretaría Xeral da Consellería de Educación e Ordenación Universitaria, pola que se fan públicas as resolucións dos tribunais que xulgarán o procedemento de acceso aos corpos de catedráticos de ensino secundario, de artes plásticas e deseño e de escolas oficiais de idiomas convocados pola Orde do 10 de novembro de 2007 (Diario Oficial de Galicia do 15 de novembro), polas que se anuncian as datas, as horas e os lugares en que se fará a entrega da documentación relativa ao punto 3.2 do anexo III, do baremo de méritos, publicacións e méritos artísticos. Na seguinte ligazón tes a resolución

Resolución do 20 de maio de 2008, da Secretaría Xeral da Consellería de Educación e Ordenación Universitaria, pola que se ditan normas para a adxudicación de destino provisional para o próximo curso académico 2008-2009, entre profesorado de ensino secundario, profesores técnicos de formación profesional, profesorado de escolas oficiais de idiomas, profesorado de música e artes escénicas, profesores e mestres de taller de artes plásticas e deseño, que non teñan destino definitivo na Comunidade Autónoma de Galicia, aos que resultan desprazados por falta de horario, aquelas/aqueles ás/aos que se lles conceda unha comisión de servizos por concelleira ou concelleiro, por motivos de saúde ou por conciliación familiar, opositoras/opositores do ano 2008, interinas, interinos, substitutas e substitutos e o persoal funcionario que solicite o reingreso no servizo activo. Na seguinte ligazón tes a resolución

Orde do 9 de xuño de 2008 pola que se autorizan as estadías formativas en empresas ou institucións destinadas ao funcionariado docente non universitario para o curso 2007-2008. Tes a orde no seguinte ligazón.

Desde aquí poderás consultar o Decreto lexislativo 1/2008, do 13 de marzo, polo que se aproba o texto refundido da Lei da función pública de Galicia (en DOG do 13 de xuño de 2008).

Desde aquí poderás consultar a Orde do 2 de xuño de 2008 (en DOG do 11 de xuño) pola que se actualiza a oferta de ciclos formativos polo réxime ordinario, por curso completo e en modalidade presencial, en centros públicos da Comunidade Autónoma de Galicia.

Desde aquí poderás consultar o DOG de 11 de xuño onde aparece publicada a Resolución do 6 de xuño de 2008, da Secretaría Xeral da Consellería de Educación e Ordenación Universitaria, pola que se fan públicas as resolucións dos tribunais que xulgarán os procedementos selectivos de acceso aos corpos de profesores de ensino secundario para funcionarios e funcionarias dos corpos e escalas docentes clasificados no subgrupo A2 na Comunidade Autónoma de Galicia, polas que se anuncian as datas, as horas e os lugares en que se fará a presentación dos aspirantes.

Desde aquí poderás consultar a resolución de 29 de maio, en DOG do 10 de xuño, da Secretaría Xeral da Consellería de Educación e Ordenación Universitaria, pola que se ditan normas para a adxudicación de destino provisional para o próximo curso académico 2008-2009 ás/aos mestras/mestres que non teñan destino definitivo, aos que resultan desprazados por falta de horario, aquelas/aqueles ás/aos que se lles conceda unha comisión de servizos por concelleiro, por motivos de saúde ou por conciliación familiar, opositoras/opositores de 2008, interinas/os e substitutas/os e as/os que soliciten o reingreso no servizo activo.

Publicada no DOG do 6 de xuño a Orde do 29 de maio de 2008 pola que se establece o procedemento para a implantación da xornada lectiva en sesión única de mañá ou mixta nas escolas de educación infantil, colexios de educación infantil e primaria, colexios rurais agrupados, centros públicos integrados, centros de educación especial e centros privados concertados.

Desde aquí poderás consultar a Orde do 29 de maio de 2008 pola que se aproba o calendario escolar para o curso 2008/2009, nos centros docentes sostidos con fondos públicos.

Publicada en DOG 4-6-08 a orde do 29 de maio de 2008 pola que se autoriza a implantación das modalidades de bacharelato en centros públicos de Galiza de acordo coa nova ordenación establecida pola LOE. Desde a CIG-Ensino denunciamos que esta orde non se levou á mesa sectorial e por tanto non foi negociado ningún aspecto da mesma. Pero cando se levou á Mesa Sectorial o Decreto de ordenación e currículo de Bacharelato a CIG-Ensino demandou que todos os centros do país debían ofertar como mínimo dúas modalidades de Bacharelato xa que esa non era a intención da consellaría. Accede á orde na ligazón posterior.

Publicada na páxina web da consellaría unha corrección de erros referente aos composición dos tribunais que xulgarán o procedemento de acceso aos corpos de catedráticos de ensino secundario, de artes plásticas e deseño e de escolas oficiais de idiomas. Accede a esta e outras informacións sobre o concurso de cátedras na seguinte ligazón.

Publicada na páxina web da consellaría a resolución pola que se publican as datas, horas e lugar na que terán lugar as presentacións e a primeira parte da proba de oposición. Accede a esta información e outras sobre as OPOSICIÓNS 2008 facendo clic na ligazón seguinte