Enregueifando é unha nova actividade que comezará o seu percorrido a través da rede. Trátase dunha regueifa colectiva que conectará a centros de ensino de todo o país con desafíos dialécticos onde o obxectivo é que a rapazada se divirta empregando a destreza e a lingua.

Finalmente percorremos o país para celebrarmos os 20 anos do Correlingua desde Ferrol a Becerreá pasando por Lugo, O Rosal, Pontevedra, Moaña, Xove, A Coruña, Vigo, Ourense, Zas, Rianxo, Cervantes..., acompañadas de Aldaolado, Luís O Caruncho, A Gramola Gominola, Birlibirloque, Cuarta Xusta, Monolius Dop, Ce Orquestra Fantasma, Paco Nogueiras e Isa Risco. Grazas ao esforzo colectivo demos feito este Correlingua 2020 tan atípico como especial.

Pero aínda non rematamos… O vindeiro luns 21 ás 10:30 da mañá estaremos en Becerreá coa actuación de Birlibirloque. Poderase seguir o acto a través da canle de Youtube do Correlingua.

Enregueifando: un novo reto.

Enregueifando é unha nova actividade que comezará o seu percorrido a través da rede. Crearemos unha regueifa colectiva que conectará a centros de ensino de todo o país con desafíos dialécticos e lúdicos. Está dirixida ao alumnado de 5º e 6º de primaria e de 1º e 2º da ESO. Para participar é preciso enviar un correo a correlingua@gmail.com.

Como impulsores do Correlingua, a CIG-Ensino mantén a súa idea de programar esta actividade durante todo o ano e explorar coa colaboración de profesorado e alumnado todas as posibilidades que existan nos centros de ensino para fomentar o uso do noso idioma en todos os contextos, educativo, social, lúdico, deportivo, infantil, xuvenil, cultural, musical....