O prazo de participación abrangue do día 16 de novembro até o 7 de decembro

A consellaría atende máis do 60% das prazas solicitadas pola CIG-Ensino.

Na mesa sectorial na que se tratou o Concurso de Orientación a CIG-Ensino anunciou que lle remitiría á Consellaría unha modificación das prazas que aparecían no borrador, tanto das vacantes como das resultas, xa que había resultas que non aparecían tendo persoal definitivo cubrindo o posto de traballo.

Estas prazas, como sempre, parten da consulta feita aos centros de ensino e a afiliación.

Podedes ver as prazas, ou variacións, aceptadas pola Consellaría na táboa anexa.

Non se nos atendeu, aínda que nalgúns casos reduciron, a petición de certos centros que pedíamos que non tivesen orientación compartida tal e como figura no catálogo de postos de traballo.

Recuperaron como posíbeis resultas prazas que tendo persoal definitivo non aparecían no borrador da mesa, nomeadamente EEI do Milladoiro e CEIP Recimil.

Peticións atendidas pola Consellaría

ORDE do 5 de novembro de 2021 pola que se convoca concurso de traslados específico entre persoal funcionario docente do corpo de mestres para cubrir prazas de xefatura do departamento de orientación nos colexios públicos de educación infantil e primaria, de educación primaria e de educación especial dependentes desta consellería (código de procedemento ED013A). Ligazón

Ligazón a toda a información do concurso de orientación