As medidas impostas polo goberno do PP contra dos empregados públicos, incluídos os docentes, e a clase traballadora en xeral e a cidadanía no seu conxunto supoñen un grave retroceso nas condicións laborais, sociais e da calidade de vida das persoas. A CIG-Ensino considera que as medidas promulgadas mediante o RDL 20/2012, favorecen a destrución de emprego e dos servizos públicos e están feitas exclusivamente para rescatar a banca, causante desta crise.