A CIG-Ensino está a editar os vídeos dalgunha das ponencias, como a da directora de cine, Oiane Sagasti, coñecida polo documental Xeración porno, que contribuíu a situar no punto de mira social o acceso á pornografía online por parte de menores de idade e os perigos que isto leva consigo.

Así mesmo xa podemos poñer a disposición do persoal docente algún material que nos facilitaron outras participantes, como a documentación empregadas nas súas intervencións pola sexóloga e xornalista, Laura Veiga, así como polas docentes no CIFP Imaxe e Son da Coruña, Olaia Sendón e Ana Monteagudo, sobre o proxecto Perpetuando, centrado na reinvención da historia da fotografía en clave de igualdade. Tamén se publica para toda a comunidade docente o Glosario Violeta elaborado por profesorado e alumnado do IES Félix Muriel de Rianxo no que se combina a normalización da lingua galega co traballo sobre igualdade.