Así mesmo, convocamos a todas as mulleres a unirse ás 26 mobilizacións que temos previstas en horario de mañá por toda Galiza, así como ás que convoca a plataforma Galegas8M pola tarde. 

Este 8 de Marzo, no marco do Paro Internacional de Mulleres, a CIG ten convocada folga de mulleres para reivindicar a igualdade de oportunidades nas condicións de traballo e na esfera social, así como o dereito a vivir sen violencia. A folga laboral afectará a todas as actividades e centros de traballo, tanto das empresas privadas como do sector público, con vínculo funcionarial, estatutario ou laboral, no ámbito territorial da Galiza, desde ás 00:00 horas ás 24:00 horas. Ao ser unha folga de 24 horas detraerase a parte proporcional do salario correspondente a unha única xornada de traballo.

Pero alén da folga laboral, este 8M as mulleres estamos chamadas a secundar tamén folga no ensino, de consumo e nos coidados, para denunciar as discriminacións e o machismo que sufrimos e desmontar e denunciar a hipocrisía e a falsidade coa que se trata a problemática específica das mulleres, tanto por parte da patronal como por parte do poder político e do sistema.

No ámbito do ensino animámoste a participar na folga de mulleres para avanzar na conquista de dereitos ante a ofensiva ultraliberal e patriarcal que nos axexa e nun ensino coeducativo e en chave feminista. Así mesmo, convocamos a todas as mulleres a unirse ás 26 mobilizacións que temos previstas en horario de mañá por toda Galiza, así como ás que convoca a plataforma Galegas8M pola tarde, nas que agardamos que tamén participen os homes que comparten a nosa loita, após o éxito da marcha do pasado domingo, 3 de marzo, celebrada en Lugo.

A continuación detallamos as concentracións e mobilizacións máis relevantes para o día de mañá.

Por todas as mulleres, por todos os dereitos. Fai folga e participa nas mobilizacións convocadas pola CIG este 8 de Marzo!

-------------------------------------

MOBILIZACIÓNS