A continuación resúmese o contido das xuntanzas:

Sector de Escolas Infantís 0-3

• Data da xuntanza: 12 de decembro
• Asistencia empresarial: ASEIGAIS e AFESIN. ACADE xustificou a súa ausencia delegando en AFESIN e AEIOU delegou en AGADEI. Lamentamos e denunciamos o plantón inxustificado desta última, a asociación que aglutina o maior número de escolas, o que constitúe unha total falta de respecto á parte social e ás traballadoras do sector sendo, como son, os maioritarios do sector.
• Desenvolvemento: a xuntanza evidenciou o nulo marco de interlocución real e o descoñecemento da situación por parte das asociacións presentes, que centraron a súa intervención case exclusivamente nos problemas empresariais (amortización de comedor, a pérdida de ganancias en caso de baixada de ratios,...). A reunión resultou inválida para avanzar en melloras laborais, sociais e salariais. As asociacións asistentes coinciden coas necesidades do sector e as nosas reivindicacións, conscientes da precariedade do sector. Non existe unha patronal galega real nin vontade para constituír un marco de negociación autonómico a curto ou medio prazo, con esta disposición e falta de implicación empresarial. As OO. SS. requirímoslles que concreten unha estrutura de representación empresarial (patronal ou patronais) que permita unha interlocución efectiva, e que non condicionen nin dificulten o dereito das traballadoras a mobilizarse. Os sindicatos seguiremos priorizando a defensa das condicións laborais e salariais das traballadoras no ámbito en que sexa efectivo, apuntando cara a Administración pero, tamén, cara a quen se poña de perfil ou poña pedras no camiño.

Sector de Menores:

• Data da xuntanza: 12 de decembro.
• Patronais asistentes: GAFIX e AGACEME.
• Acordo principal: a patronal recoñeceu a unidade sindical e aludiu á posibilidade de asinar un acordo retributivo autonómico recollido no Convenio Estatal para paliar as carencias salariais e evitar a perda de poder adquisitivo a partir do 1 de xaneiro de 2026.
• Aplicación do convenio:

 ○ AGACEME: Comprométese a aplicar e aboar o Convenio integramente dende esa data.

○ GAFIX: Propón a aplicación dende xaneiro de 2027, pero a posibilidade, con carácter retroactivo, dende xaneiro de 2026.

• Novo decreto da Xunta para ratios: denunciamos que as OO. SS. non fomos convidadas para participar na elaboración do novo decreto da Xunta, que está paralizado e sen data.
• Próximos pasos: a patronal GAFIX elaborará un borrador do acordo. Convocamos unha nova xuntanza para o 19 de xaneiro para valorar, darlle forma e negociar o acordo, trasladándoo á Administración unha vez pechado.

Sector de Discapacidade:

• Data da xuntanza: 9 de decembro.
• Patronais asistentes: INRED. AEDIGAL rexeitou a invitación por considerar que o ámbito non era o autonómico, que era estatal e eles non o vían apropiado. Explicóuselles cal era o motivo da reunión, sendo autonómico, e nin respostaron.
• Puntos de encontro: INRED coincide coas nosas reivindicacións e apoia un complemento autonómico que dignifique as condicións salariais. Anuncian unha campaña de concienciación da situación do sector para o primeiro semestre de 2026. As discrepancias entre as propias patronais e o intento de capitalización do sector por parte de FADEMGA complican o establecemento dun marco de negociación. As OO. SS. seguiremos loitando por abrir unha mesa de diálogo coa Consellería que facilite o entendemento entre as partes.