Despois de máis dun ano da celebración das eleccións constituíuse a nova mesa sectorial, con quince membros na parte sindical. Deses 15 membros, á CIG-Ensino, organización sindical maioritaria co 43% da representación, correspóndenlle 7. Os 8 restantes distribúense entre UGT, 3, CCOO, 3 e ANPE 2.

A CIG-Ensino solicitou da Consellaría que, co inicio dun novo período, se producise un cambio de actitude por parte da Administración na Mesa Sectorial.

De acordo con iso, a CIG-Ensino propuxo que, como primeira medida, se fixe un calendario de temas a negociar.

Ademais Educación debe dar resposta a todos os temas presentados, onde presentamos cuestión que non están na orde do día e que lle preocupan ao profesorado.

Ao mesmo tempo reclamamos que as mesas sexan un auténtico órgano de negociación.

Distribución dos 15 membros da mesa sectorial:

CIG-Ensino - 7

UGT - 3

CCOO - 3

ANPE - 2