Cunha metodoloxía práctica e didáctica, o profesorado que impartiu a formación,  deu orientacións sobre múltiples aspectos da carreira docente como a documentación a presentar nas Direccións Territoriais, a xestión con Muface, en que consiste a fase de prácticas, como se elabora a súa memoria,  posibilidades e necesidades  de formación, dereitos do profesorado, retribucións, permutas,  licenzas e permisos, entre outra lexislación.

Dado o especial interese que adoita mostrar o profesorado asistente a estes cursos sobre o Concurso Xeral de Traslados, fíxose especial fincapé nesta temática centrádose especialmente na actualización do baremo derivada dos cambios estatais.

Pola novidade que comporta tanto a efectos de CXT como de formalización de sexenios, tamén incidiu nas Competencias Dixitais Docentes e a súa acreditación.

Esta exitosa convocatoria de cursos que botamos a andar desde a CIG-Ensino e a AS-PG vén sendo ofertada desde hai  anos  e pode realizarse presencialmente, durante un sábado,  en distintas localidades.

Na presente edición, alén dos dous primeiros cursos que tiveron lugar o pasado día 21 de setembro,  ofertarémolos de novo  o 28 de setembro  en Santiago, Pontevedra, Ourense e Ferrol ; o 5 de outubro na Mariña e Vigo e o 19 de outubro no Morrazo.  

Calquera docente en prácticas que tivese interese, pode aínda matricularse na seguinte ligazón