Polas melloras laborais: Convenio Galego

Esiximos melloras laborais e salariais para os traballadores Galegos afectados polo Convenio de Discapacidade

CIG-ENSINO e FETE-UGT Galicia rexeitamos o actual convenio estatal cuxas condións impiden aos traballadres realizar o seu labor dun xeito digno, establecendo ademais unha clasificación arbitraria do persoal baseada nas tres tipoloxías de centros e ignorando o Sistema Nacional de Cualificacións.

CIG-ENSINO e FETE-UGT Galicia denunciamos a falla de rigor e seriedade na negociación do XIII Convenio, o que está producindo a súa paralización.

CIG-ENSINO e FETE-UGT Galicia consideramos que non se están a ter en conta as características específicas destes centros en Galicia nin, consecuentemente, as condicións laborais propias dos traballadores galegos, que ven así limitada a súa capacidade de influír no proceso negociador.

CIG-ENSINO e FETE-UGT Galicia, dado que as competencias sobre as subvencións con que se financian estes centros están transferidas á Administración Galega, demandamos as patronais do sector o inicio dunhas negociacións que nos permitan acadar un convenio propio que mellore substancialmente as condicións recollidas no convenio estatal e instamos á Administración Galega a que intermedie para facer efectiva esta proposta.

CIG-ENSINO e FETE-UGT Galicia solicitamos á Administración Galega o control exhaustivo das subvencións recibidas por este tipo de centros.

CIG-ENSINO e FETE-UGT Galicia manifestamos que iniciaremos un proceso de mobilizacións cunha concentración o día 4 de marzo ás 12:00 horas na Praza de Cervantes en Santiago de Compostela.