A CIG-Ensino valora positivamente o Acordo sobre as condicións de traballo do profesorado itinerante, despois de anos de reivindicacións e campañas levadas a cabo pola CIG-Ensino. Campañas nas que coa participación maioritaria do profesorado conseguimos un acordo que asume a maioría das reivindicacións da CIG-Ensino. A CIG-Ensino insistiu na mellora de cuestións tales como que as reducións horarias por desprazamentos sexan sempre lectivas e en función da quilometraxe; a inmediata aplicación do acordo con efectividade de todos os seus apartados desde setembro de 2007; a diminución do máximo de quilómetros diarios a percorrer, etc.