CIG-Ensino reclama a convocatoria de concurso para as EPAPU
O sindicato informa da existencia de até 30 vacantes nos centros de ensinanzas para persoas adultas
Na Mesa Sectorial do pasado día 3 de outubro, ante a pregunta da CIG-Ensino, a Consellaría de Educación afirmou que este ano non haberá concurso específico para as EPAPU ao considerar que non había suficientes vacantes.
Nestes últimos días, o sindicato contactou con todos os centros que imparten ensinanzas para persoas adultas e constatou que si existen as suficientes vacantes para que sexa oportuno convocar este concurso específico.
O total de prazas que poderían saír a concurso, xa sen ter en conta reducións de cargos de dirección, chegaría ao que figura no cadro anexo.
CENTRO |
Nº |
Vacantes por especialidades |
|
|||||||
EPAPU Eduardo Pondal (A Coruña) |
9 |
1 EP |
1 ECO |
1 BIO |
1 FIL |
1 ORT |
1 ING |
1 MAT |
1 LAT |
1 PORT |
EPAPU Teixeiro |
1 |
1 XeH |
|
|
|
|
|
|
|
|
EPAPU Albeiros (Lugo) |
5 |
1 FeQ |
1 LG |
1 LC |
1 MAT |
1 FRA |
|
|
|
|
EPAPU Monterroso |
1 |
1 EP |
|
|
|
|
|
|
|
|
EPAPU Berbés (Vigo) |
6 |
1 BIO |
1 FeQ |
1 ING |
2 MAT |
1 TEC |
|
|
|
|
EPAPU Ourense |
2 |
1 LC |
1 FRA |
|
|
|
|
|
|
|
EPAPU Río Lérez (Pontevedra) |
5 |
1 ING |
1 BIO |
1 LC |
1 LG |
1 FRA |
|
|
|
|
EPAPU Nelson Mandela |
1 |
1 XeH |
|
|
|
|
|
|
|
|
TOTAL |
30 |
|
|
|
|
|
|
|
|
|
Trátase dun total de 30 vacantes a ofertar, das que 28 son do corpo de PES e 2 do corpo de mestres na especialidade de Primaria (EP). Descontando as prazas que se precisan para cubrir as horas das direccións, podemos falar de que están vacantes ao redor dun 25% das prazas definitivas coas que deben estar dotados os centros nos que hai vacantes.
A maiores das EPAPU tamén habería que incorporar 4 vacantes a maiores do IES San Clemente.
Tendo en conta esta situación, a CIG-Ensino ven de dirixirse á Consellaría para que mude a decisión comunicada na Mesa e convoque o concurso específico para as EPAPU.
Temas pendentes que urxe levar á Mesa Sectorial
A CIG-Ensino tamén aproveitou para solicitar de novo a convocatoria de Mesa Sectorial para tratar a orde que convoque o procedemento para o ingreso no corpo de PES do profesorado do corpo de PTFP así como a convocatoria do concurso específico para os Equipos de Orientación Específica (EOE) que se comprometera a convocar a administración
