Na Mesa Sectorial de hoxe, 24 de abril, a CIG-Ensino demandou da Consellaría de Educación que pague de oficio os trienios ao profesorado interino.
Na Mesa Sectorial de hoxe, 24 de abril, a
CIG-Ensino demandou da Consellaría de Educación que pague de oficio os trienios
ao profesorado interino.
A CIG-Ensino propiciou, mediante a
achega dunha enmenda ao BNG que a propuxo no Congreso dos Deputados e que
finalmente foi incluída no Estatuto Básico do emrpegado público, que o
profesorado interino poida cobrar os trienios. O pasado día 18 de abril xa lle
presentamos un escrito á Consellaría demandando o seu pago de oficio e desde a
entrada en vigor do Estatuto Básico o vindeiro 14 de maio. Hoxe volvimos facer
esta proposta na Mesa Sectorial e a Consellaría respostou que a vai estudar.
Neste momento están facendo unha avaliación económica do custe total para
trasladarlla á Consellaría de Economía e agardarán a coñecer as instrucións da
Dirección Xeral da Función Pública (pois este tema non só afecta a Educación).
En todo caso, manifestaron que realizarían trámites internos para que se puidese
efectivizar o recoñecemento de oficio.
