No CEIP Cruceiro de Canido de Ferrol ofertáronse so 20 prazas de cuarto de Educación Infantil para o vindeiro 25/26. Máis houbo unha grande demanda das familias da cidade para poder escolarizar ás súas crianzas nese centro educativo, chegando a ter 35 solicitudes de matrícula para ese nivel.

Hai tres cursos , nese centro houbo unha mínima baixada de matrícula (froito da situación demográfica da cidade e que pouco a pouco vai reverténdose) que aproveitou a Consellería para pechar unha aula de Educación Infantil ca conseguinte desaparición de dous postos de traballo.

A demanda das familias fai que para o vindeiro curso a situación volte a posibilidade de que este centro público poida consolidar a dobre liña en todos os niveis de ensino que imparte.

Dende a CIG-Ensino apoiamos a estas familias para que a súa escolla de centro onde escolarizar ás súas crianzas sexa respectada, á vez que reclamamoslle á Consellería fagan unha aposta sería por mellorar o ensino público, nun centro perfectamente adaptado para ter dúas liñas e que foi remodelado hai un par de cursos.