Nesta 13ª mesa de negociación, A BANCADA PATRONAL, aproveitando a debilidade amosada polos demais sindicatos e o seu entreguismo polas propostas feitas á baixa na 12ª mesa (proposta CCOO e proposta UGT-FSIE-USO), comezan crecidas e cun ton desafiante na liña de que “coas vosas propostas a maior parte das escolas infantís pecharían, aínda son temerarias”.

A continuación presentan unha nova proposta onde recollen parte das aportacións da parte sindical antedita e completan coas súas propias en aras de chegar a un acordo:

 Ámbito salarial: Para os anos 2016, 2017 e 2018mantemento dos salarios, é dicir, conxelación. Logo presentan a seguinte proposta salarial chamada “subidas heteroxéneas por categorías profesionais”:

O SMI dos 900€ segundo se recolle no R.D. Lei do goberno, o cal sería incluíndo outros complementos.

• Eliminación da xornada semanal, manténdose só a referencia da xornada anual como está.
• Con respecto á Incapacidade Temporal habería que modificala á baixa, da problemas.
• Estabelecer unha nova cláusula de inaplicación salarial adaptada á normativa.
• Actualizar o réxime disciplinario

Como resposta, POLA BANCADA SOCIAL, dende CCOO, preguntan que pasa coa proposta de xestión indirecta. Engaden que de momento non se pronunciaban sobre a proposta da patronal e que nun principio non a compartían (só faltaría!! e máis despois das “mobilizacións para dignificar convenio”). Dende UGT, din que non podían responder ao non estar o máximo responsable e que contestarían na próxima mesa. Por parte deFSIE, vén a proposta moi lonxe da que fixeron con UGT e USO. Estudarana  e contestarán na seguinte mesa.USO exprésase na mesma liña que os demais e dende CIG opinamos que isto é inasumíbel e inadmisíbel!!

Logo da negativa da parte social case unánime e dun receso moi longo, A BANCADA PATRONAL expón que se negociarán estas táboas e as de xestión indirecta, todo xunto e co convenio (este só adaptacións legais). Nun último esforzo, para chegar a acordo e asinar, “estamos dispostos a retirar os artigos da xornada e a I.T. se aceptades esta nova proposta que vos propoñemos, senón volvemos e mantemos á anterior”:

O SMI dos 900€ segundo se recolle no R.D. Lei do goberno, o cal sería incluíndo outros complementos. 

POLA BANCADA SOCIAL, dende a CIG, mantémonos no manifestado anteriormente: para nós débese negociar o convenio no seu conxunto e só para melloralo laboral e salarialmente (recuperación IPC perdido de máis dun 10% e garantía futura do mesmo con cláusula de revisión salarial). As demais OO.SS insisten no que dixeron anteriormente sobre responder na seguinte mesa. CCOO e USO retiran as propostas feitas na mesa anterior.

Próxima mesa de negociación está convocada para o 3 de abril en ACADE ás 10:30h.