O texto foi previamente debatido na Mesa Docente do Ministerio, na que a CIG-Ensino puxo en evidencia a excesiva demora en cumprir determinados temas apuntados na Lei, como son os procesos de integración nos novos corpos de profesorado e cátedras, tanto das ensinanzas artísticas superiores como das profesionais.

O RD non incorpora ningunha novidade e así e como quedan as principais cuestións a abordar para desenvolver a Lei.

2025

• Aprobación do calendario de aplicación
• Até xullo de 2025: composición e funcións do Consello Superior de Ensinanzas Artísticas. Xa negociado na Mesa Docente, onde acadamos o compromiso do Ministerio de que a CIG estea presente como sindicato máis representativo en Galiza.

2026

• Até maio de 2026: aprobación dos primeiros títulos de grao medio e de grao superior vinculados co Catálogo Nacional de Estándares de Competencias Profesionais.
• Até outubro de 2026:
  • creación do Rexistro Estatal de Ensinanzas Artísticas Superiores.
  • regulación da estrutura e a organización das ensinanzas de grao e máster
  • aprobación do plan de estudos do máster habilitante para o exercicio docente nas ensinanzas artísticas superiores
  • regulación dos requisitos para a designación de profesorado emérito.

2027

• Até abril de 2027: regulación dos requisitos e procedementos para a expedición dos títulos de grado e máster.
• Até outubro de 2027: aprobación do contido básico dos títulos de grao; das condicións básicas para a creación ou autorización dos centros e do estatuto básico do estudantado das Ensinanzas Artísticas Superiores.
• Até xuño de 2027: ordenación da función pública docente e do proceso de integración do profesorado dos corpos para extinguir nos novos corpos:
  • Ensinanzas Artísticas Superiores: corpo de cátedras e de profesorado de EEAA superiores
  • Ensinanzas Artísticas Profesionais: corpo de cátedras e de profesorado de EEAA profesionais.