As mesas coordinadoras provinciais das catro provincias acaban de aprazar as eleccións sindicais para o día 9 de decembro. O profesorado galego do ensino público elixe o 9 de decembro os seus representantes.

O PROFESORADO GALEGO DO ENSINO PÚBLICO ELIXE O 9 DE DECEMBRO OS SEUS REPRESENTANTES.

O 9 de decembro, levaranse a cabo as eleccións sindicais no ensino publico non universitario. Para este fin, están constituídas 1079 mesas (130 en Lugo, 446 en Pontevedra, 335 na Coruña e 158 en Ourense) nas que o profesorado poderá exercer o seu dereito ao voto. O horario estabelecido para as votacións é de 11:00 a 14: 30 e de 16:30 a 18:30 horas.

Un total de 32.384 profesores con dereito a voto van elixir 146 delegados/as de persoal (10 máis que hai catro anos) dos/das cales corresponden 47 á Coruña, 29 a Lugo, 27 a Ourense e 43 a Pontevedra.

A CIG-Ensino é na actualidade o sindicato maioritario con 53 delegados/as de 136 e 8.484 votos, cunha representación do 40%, superando a suma, tanto en votos como en delegados/as, dos dous sindicatos seguintes.

Resultado das eleccións sindicais no ensino non universitario do ano 2006

	CIG		ANPE		CCOO		UXT		CSIF		STEG
	VOT	DEL	VOT	DEL	VOT	DEL	VOT	DEL	VOT	DEL	VOT	DEL
CORUÑA	3417	19	923	5	1637	9	1066	6	282	0	636	4
PONTEVEDRA	3400	19	632	3	1281	7	1391	8	0	0	647	4
LUGO	979	8	612	5	416	3	670	5	399	3	331	3
OURENSE	688	7	379	4	831	8	332	3	0	0	289	3
TOTAL	8484	53	2546	17	4165	27	3459	22	681	3	1903	14