A Consellería de Educación vén de publicar na páxina web a información para que o profesorado se inscriba na Campaña de Vixilancia da Saúde programada para o actual curso 2017/2018, unha vella reivindicación da CIG-Ensino que se acadou despois de varios anos de loita. Neste intres séguese reivindicando que os recoñecementos médicos se realicen na sanidade pública na liña da defensa do sector público que mantén este sindicato fronte ás intencións privatizadoras da administración galega.