A Consellería de Educación estase negando a cubrir todas aquelas baixas do profesorado que se están producindo nestas últimas semanas. Neste momento, na páxina da Consellaría atópanse máis de 20 baixas de mestres e 41 de secundaria que non serán cubertas, até despois do entroido.

A estas baixas habería que sumar todas as baixas de menos de 15 días nas que a administración ten por costume borralas dos listados sen cubrilas.

  

A CIG-Ensino quere denunciar que están a prevalecer os criterios económicos por riba dos educativos na política educativa da Consellaría de Educación. O alumnado ve interrompido, días ou semanas, o dereito a recibir a  educación que lle corresponde.

 

Para a CIG-Ensino, parécenos inadmisíbel que se antepoñan  criterios económicos ao dereito do alumnado a recibir aulas todos os días lectivos, así como aos profesores que están nas listas de interinidades  a poder  traballar cando se produce unha vacante, polo que exiximos que a Consellaría nomee inmediatamente os/as substitutos/as que sexan necesarios.