Logo das xestións realizadas por CIG-Ensino, a Consellaría dá marcha atrás no cobro dos comedores escolares a pais e nais. Coa entrada en vigor do Decreto 374/2009, modificábase un aspecto fundamental da xestión do servizo de comedor: os pais e nais estaban obrigados a facer o pagamento do comedor por adiantado, nos últimos días do mes anterior, de mes completo, sen coñecer cantos días do mes seguinte utilizarían o servizo do comedor. Ademais, este decreto implica unha suba nos prezos do comedor en máis dun 15 %, así como unha sobrecarga no traballo burocrático do profesorado.

                Agora a Consellaría rectifica o sistema de pagamento, accedendo a que o pago sexa a mes vencido polos días de servizo. Agardamos que esta medida se recolla en breve nunhas novas instrucións sobre xestión de comedores.

                En calquera caso, a CIG-Ensino seguirá exixindo á Consellaría a liberación ao profesorado de todo o traballo administrativo que leva consigo o servizo de comedor.