A CIG gaña as eleccións sindicais con maioría absoluta no Consorcio Galego de Igualdade

Nas eleccións elexíronse un total de 47 delegados/as dos que a CIG acadou 26 (55,3%)

O persoal do Consorcio Galego de Igualdade e Benestar avalou hoxe o traballo sindical desenvolto pola CIG nestes últimos catro anos. Segundo os dados provisionais a CIG acadou 26 delegados/as dun total de 47. A CIG valora moi positivamente os resultados obtidos e considera que supoñen un respaldo ao traballo desenvolto neste catro anos, dirixido fundamentalmente á defensa da consolidación dos postos de traballo, a evitar a privatización dos centros que dependen do Consorcio e a integrar aos/as traballadores/as no V Convenio de Laborais da Xunta de Galiza.

Podes ver os resultados nesta ligazón

En Lugo non se celebraron eleccións  posto que o desenvolvemento do Consorcio foi posterior e a CIG ten a representación de todos os delegados sindicais, 4 de técnicos e administrativos e 1 de especialistas non cualificados.

Nestas eleccións estaban chamados a participar un total de 1429  electores dos diferentes centros de traballo que dependen do Consorcio Galego de Igualdade e Benestar, Escolas Infantís, Centros de día, Quérote e centros de I+B.

Volver