A CIG-Ensino vén de trasladarlle BNG -nunha xuntanza convocada polo seu grupo parlamentario- a nosa oposición ao proxecto de lei do Sistema Universitario Galego presentado polo Goberno galego. En opinión da CIG-Ensino o proxecto de lei non cumpre o obxectivo de pular polo ensino público universitario, de achegar o financiamento suficiente, de facilitar a galeguización e non atende as necesidades de profesorado nin responde ás necesidades das diferentes áreas de coñecemento e investigación.

A CIG-Ensino valora positivamente a xuntanza que mantiveron este mércores  Alba Nogueira, Responsábel da CIG-Ensino da USC e Anxo Louzao, Secretario Nacional, cos deputados do BNG, Cosme Eladio Pombo Rodríguez, Responsábel de Educación, e Carme Adán  xa que os representantes do grupo parlamentario nacionalista foron receptivos ás propostas que lle achegou a CIG, que están moi lonxe do texto proposto polo PP.

“O proxecto de lei chega a reducir a proposta inicial de representación sindical nos Consellos Sociais, non contempla a súa representación no Consello Galego de Universidades e non recolle tampouco a constitución da Mesa sectorial de Universidades”, explicou Anxo Louzao ao remate da xuntanza.

Este encontro é o primeiro que o BNG mantén con representantes de organizacións que teñen relación coas universidades galegas antes do debate no Parlamento do proxecto de lei, para o que xa pediu a súa retirada. 

Podes consultar na seguinte nova as