A CIG-Ensino pide á Consellaría que dea a coñecer o estudo sobre o radón nos diferentes centros de ensino
A CIG-Ensino esixe que se tomen as medidas oportunas para evitar calquera risco para a saúde da comunidade escolar
A CIG-Ensino vén de presentar un escrito á Consellaría de Educación amosando a súa preocupación polos altos niveis de concentración de gas radón nos diferentes centros docentes, xa que, segundo o estudo realizado en 57 centros de ensino de Galiza, pola Universidade de Santiago de Compostela, o 34 % supera o límite de 400 bequerelios/metro cúbico.
