A CIG-Ensino quere denunciar que a decisión de cesar no seu cargo ao director do IES Illa de Arousa por ter retrasado un día o inicio das clases debido a falta de profesorado responde a unha decisión política coa que se pretende amedrentar a todas as comunidades educativas que se mobilizan en contra dos recortes

Para CIG-Ensino que a Xefatura Territorial envíe unha ampla nota de prensa aos medios de comunicación, paralelamente á recepción da sanción polo director, é unha demostración do carácter político e represivo da decisión. A CIG-Ensino denuncia que estamos diante dunha decisión política que se quere enmascarar cun documento de 16 páxinas que non di nada agás na última, que e a contén a sanción.

A Xefatura Territorial argumentaba que suspender as clases un día era moi grave e negativo para o alumnado, pero agora cando empece o novo trimestre o alumnado vai ter modificación de profesorado debido ao cambio de horarios necesario ao nomearse un novo equipo directivo.

A CIG-Ensino seguirá adiante co director no recurso de alzada diante do Conselleiro e coas mobilizacións que sexan acordadas pola Comunidade Educativa do IES da Illa de Arousa.

Outras novas

Preto de 5.000 sinaturas de apoio ao director do IES Illa de Arousa