A Xefatura Territorial da Lugo ven de confirmar que suprimirá para o próximo curso 40 unidades de Educación Infantil e Primaria e 54 postos de traballo de mestres. Con estes novos datos e, a falta de que se confirmen os datos de Ourense, as supresións nestas etapas educativas para o próximo curso superarán as 155 unidades e os 240 postos de traballo. Nesta nova podes consultar os documentos coas supresións comunicadas polas Xefaturas Territoriais.

A esta altura xa se coñece oficialmente que Educación pretende suprimir na Coruña, como mínimo, 22 unidades de Educación Infantil e 34 de Primaria, en total, 56. Segundo a información facilitada pola Xefatura Territorial isto suporá a supresión de 87 postos de traballo (34 de Educación Infantil, 47 de Educación Primaria, 2 de Inglés, 4 de Francés, 3 de Pedagoxía Terapeútica, 2 de Audición e Linguaxe e 1 de Orientación Compartida).  

 En Pontevedra suprímense 19 postos, entre os cales está a supresión de 7 unitarias (4 de francés, 13 de EI e 1 de EP, 1 PT). A Consellaría tamén adiantou a supresión de 8 desprazados en Secundaria. Ademais, a CIG-Ensino xa denunciou que o traslado de ensinanzas da ESO dende o CPI Celso Emilio Ferreiro ao IES Álvaro Cunqueiro tamén suporá a eliminación de 10 prazas de profesorado.

ACTUALIZACIÓN:

Segundos os datos facilitados pola Xefatura Territorial de Ourense o 27 de Xuño en Ourense suprímense 38 unidades (30 de Primaria, 7 de Educación  Infantil e 1 de Educación Especial) e 66 postos de traballo.

Nesta ligazon podes consultar o documento elaborado pola CIG-Ensino cos centros nos que se producen as supresións na Coruña.

Na seguinte ligazón podes consultar o documento completo coas variacións de unidades e postos de traballo en centros de Educación Infantil e Primaria da provincia de Coruña remitidas pola Xefatura Territorial e relativas á elaboración do catálogo para o próximo curso 2012-2013.

Na seguinte ligazón podes consultar o documento completo coas variacións de unidades e postos de traballo en centros de Educación Infantil e Primaria da provincia de Pontevedra remitidas pola Xefatura Territorial e relativas á elaboración do catálogo para o próximo curso 2012-2013. Neste mesmo documento podes ver as unidades habilitadas e as Unitarias Pechadas.

Na seguinte ligazón poden consultar o documento coas variacións de unidades e postos de traballo en Lugo

E nesta ligazón podes consultar o documento as variacións de Ourense.