A CIG-Ensino denuncia que a Consellaría deixa sen cubrir substitucións de 15 días ou superiores alegando que non consegue persoal
Despois de decidir unilateralmente non cubrir as substitucións de menos de 15 días, este curso deixa tamén sen cobertura ausencias desa duración ou incluso superior.
A esta circunstancia súmanse as prazas que seguen sen cubrir desde agosto e setembro, como xa advertiu o sindicato na última Mesa Sectorial e que afectan especialmente ao alumnado de FP e de conservatorios que, nalgúns casos, leva sen docente desde comezos de curso e, noutros moitos, máis de un mes, sen que a curto prazo pareza que se vaia solucionar esta situación. Este desleixo por parte da administración demostra o pouco que lle importa a calidade formativa que reciba o alumnado destas ensinanzas.
Na maior parte dos casos hai xente dispoñíbel para traballar nas listaxes, noutros casos vén de abrir novas listaxes e nos do corpo de cátedras de conservatorios aínda non o fixo malia que a CIG-Ensino leva un mes advertindo de que era necesario.
Prazas sen cubrir desde agosto e setembro até hoxe (73)
|
Data publicación |
Especialidade |
Centro |
|
4 de agosto |
Máquinas, servizos e produción |
CIFP Universidade Laboral |
|
20 de agosto |
Sistemas electrotécnicos e automáticos |
CIFP Politécnico de Santiago |
|
1 de setembro |
Percusión |
CMUS Superior da Coruña |
|
1 de setembro |
Instalacións electrotécnicas |
CIFP Fontecarmoa |
|
9 de setembro |
Instalacións e mantemento de equipos térmicos e de fluídos |
CIFP Universidade Laboral |
|
9 de setembro |
Sistemas electrónicos |
CIFP Politécnico de Lugo |
|
11 de setembro |
Procedementos sanitarios e asistenciais |
IES Monte Castelo |
|
15 de setembro |
Sistemas e aplicacións informáticas |
IES Xulián Magariños |
|
16 de setembro |
Organización e proc. de mantemento de vehículos |
CIFP A Xunqueira |
|
21 de setembro |
Instalacións electrotécnicas |
IES Plurilingüe Fontexería |
|
21 de setembro |
Instalacións e mantemento de equipos térmicos e de fluidos |
IES Universidade Laboral |
|
22 de setembro |
Formación para a Mobilidade Segura e Sustentable |
CIFP Portovello |
|
22 de setembro |
Informática |
IES Lois Peña Novo |
|
24 de setembro |
Frauta Travesa |
CMUS Superior da Coruña |
|
25 de setembro |
Sistemas electrónicos |
IES Plurilingüe Fontexería |
|
25 de setembro |
Sistemas electrónicos |
CIFP A Xunqueira |
|
26 de setembro |
Informática |
CIFP Rodolfo Ucha Piñeiro |
|
29 de setembro |
Informática |
IES San Clemente |
|
29 de setembro |
Clarinete |
CMUS Profesional da Coruña |
|
29 de setembro |
Sistemas electrónicos |
IES Escolas Proval |
|
1 de outubro |
Sistemas e aplicacións informáticas |
CIFP Rodolfo Ucha Piñeiro |
|
2 de outubro |
Historia da música |
CMUS Superior de Vigo |
|
5 de outubro |
Operacións e equipos de elaboración de produtos alimentarios |
IES Lauro Olmo |
|
6 de outubro |
Violín |
CMUS Profesional Xoán Montes |
|
6 de outubro |
Formación e orientación laboral |
CIFP Valentín Paz Andrade |
|
7 de outubro |
Mecanizado e mantemento de máquinas |
CIFP Politécnico de Santiago |
|
7 de outubro |
Operacións de produción agraria |
CIFP A Granxa |
|
8 de outubro |
Trompa |
CMUS Profesional Xan Viaño |
|
8 de outubro |
Deseño interiores |
EASD Ramón Falcón |
|
8 de outubro |
Acordeón |
CMUS Profesional de Ourense |
|
9 de outubro |
Informática |
IES San Clemente |
|
9 de outubro |
Formación e orientación laboral |
IES Politécnico de Vigo |
|
9 de outubro |
Sistemas e aplicacións informáticas |
IES Cosme López Rodríguez |
|
10 de outubro |
Viola |
CMUS Profesional Manuel Quiroga |
|
12 de outubro |
Instalacións electrotécnicas |
CIFP Universidade Laboral |
|
13 de outubro |
Organización e proxectos sistemas enerxéticos |
CIFP Ferrolterra |
|
13 de outubro |
Instalacións electrotécnicas |
CIFP Porta da Auga |
|
13 de outubro |
Sistemas e aplicacións informáticas |
IES Fernando Wirtz Suárez |
|
13 de outubro |
Mecanizado e mantemento de máquinas |
IES Universidade Laboral |
|
13 de outubro |
Procesos e produtos en artes gráficas |
CIFP Montecelo |
|
13 de outubro |
Mantemento de vehículos |
CIFP A Xunqueira |
|
13 de outubro |
Procesos sanitarios |
IES Lamas de Abade |
|
14 de outubro |
Operacións de produción agraria |
IES Plurilingüe San Rosendo |
|
14 de outubro |
Mecanizado e mantemento de máquinas |
IES Urbano Lugrís |
|
14 de outubro |
Saxofón |
CMUS Profesional Xoán Montes |
|
14 de outubro |
Piano |
CMUS Profesional de Ourense |
|
15 de outubro |
Sistemas e aplicacións informáticas |
IES de Teis |
|
15 de outubro |
Organización e proxectos de fabricación mecánica |
IES 12 de Outubro |
|
18 de outubro |
Debuxo |
IES Xermán Ancochea Quevedo |
|
19 de outubro |
Educación Primaria |
CEIP Isaac Díaz Pardo |
|
19 de outubro |
Bioloxía e xeoloxía |
IES Nº 1 (Ribeira) |
|
19 de outubro |
Procesos de producción agraria |
CFEA Pedro Murias |
|
19 de outubro |
Portugués |
EOI de Ferrol |
|
19 de outubro |
Asesoría e procesos de imaxe persoal |
IES de Teis |
|
19 de outubro |
Organización e proxectos de fabricación mecánica |
IES de Salvaterra de Miño |
|
19 de outubro |
Procesos e produtos de téxtil, confección e pel |
CIFP Paseo das Pontes |
|
20 de outubro |
Bioloxía e xeoloxía |
IES Vilar Ponte |
|
20 de outubro |
Educación Infantil |
EEI Vila Laura |
|
20 de outubro |
Educación Primaria |
CEIP Isaac Peral |
|
20 de outubro |
Pedagoxía Terapéutica |
CEIP Xoaquín Loriga |
|
20 de outubro |
Procedementos sanitarios e asistenciais |
IES da Pobra do Caramiñal |
|
21 de outubro |
Procesos de producción agraria |
CFEA de Guísamo |
|
21 de outubro |
Operacións de produción agraria |
IES Plurilingüe San Rosendo |
|
21 de outubro |
Bioloxía e xeoloxía |
IES A Pontepedriña |
|
21 de outubro |
Bioloxía e xeoloxía |
EPAPU Río Lérez |
|
21 de outubro |
Pedagoxía Terapéutica |
CEIP Plurilingüe Xacinto Amigo Lera |
|
21 de outubro |
Educación Primaria |
CEIP Plurilingüe Ría do Burgo |
|
21 de outubro |
Educación Primaria |
CEIP Francisco Vales Villamarín |
|
21 de outubro |
Lingua estranxeira: Inglés |
CEIP das Mercedes |
|
21 de outubro |
Educación Física |
CEIP de Figueiroa |
Un dos últimos casos que lle chegaron ao sindicato son o do IES Afonso X de Cambre, onde, segundo a información trasladada polo centro, a Consellaría comunicou que non se ía cubrir unha ausencia de quince días por permiso de casamento “porque non conseguía persoal”. Idéntica resposta recibiron outros centros cando se dirixen por escrito semana tras semana á inspección e á Subdirección Xeral de RRHH esixindo que se cubran as vacantes. Algunha delas, como unha baixa no CIFP Politécnico de Santiago desde o 20 de agosto de setembro que se prevé de longa duración, foi distribuído o seu horario entre varios docentes.
Para a CIG-Ensino, estas prácticas son inadmisíbeis. No caso dos permisos coñécense con antelación, polo que a administración dispón de tempo para organizar a substitución. No segundo caso, e despois de que o alumnado leve sen docente todo o curso, a solución non pode ser un “parche” provisional que non resolve nada. Así mesmo, o persoal docente que exerce os seus dereitos lexítimos de permisos e licenzas ve como as súas ausencias están a supoñer maior carga de traballo para compañeiros e compañeiras polos recortes de persoal da Consellaría. O sindicato insiste, despois de telo solicitado na última Mesa Sectorial, na necesidade de revisar a situación de todas as listas e de abrir con antelación as especialidades nas que se precisa persoal.
Con todo, hai unha tendencia cada vez maior ás medias xornadas e á precariedade nas substitucións que fai que moitas persoas non decidan aceptar este traballo e que mesmo renuncien unha vez comezado, como é o caso dalgunha das vacantes existentes nestes momentos. Isto responde, segundo a CIG-Ensino, á constante desvalorización e burocratización da profesión docente que a fai moi pouco atractiva e competitiva a nivel salarial e de dereitos laborais a respecto doutras no sector privado.
A Consellaría xa aplica os filtros dunha ferramenta de chamamentos da que segue sen dar información
Tamén seguen chegando queixas sobre substitucións que non se publican, que aparecen con atraso ou que se borran da aplicación, mesmo cando a duración prevista supera os quince días. Boa parte destes problemas derivan do filtro previsto para a nova aplicación de chamamentos: a ferramenta aínda non está en funcionamento, pero o filtro que limita a publicación das prazas xa se está a aplicar.
A CIG-Ensino exixe que a Consellaría explique os criterios que emprega e que publique e cubra todas as necesidades comunicadas polos centros, sen excluír substitucións pola súa duración.
A Consellaría desatende as demandas do persoal substituto que o sindicato reclamou na Mesa Sectorial
A falta de cobertura das prazas vai acompañada dunha precariedade que a Consellaría segue sen resolver. Na última Mesa Sectorial, o sindicato maioritario denunciou que o profesorado incorporado nos primeiros días de curso non cobrou en setembro e terá que agardar até finais deste mes para facelo. Os prazos de tramitación das nóminas nos que se escusa a Consellaría non xustifican que este persoal teña que adiantar do seu peto os cartos para traballar, despois dun verán sen ingresos e co encarecemento do combustíbel e da vivenda.
A CIG-Ensino demandou tamén na Mesa a implantación da restrición por área xeográfica de forma inmediata, sen necesidade de achegar xustificación, para facilitar a conciliación e axilizar a cobertura das substitucións.
