A CIG-Ensino denuncia que a Consellaría de Educación ven de remitirlle una circular aos directores dos centros de Primaria para que no prazo de cinco días decidan se queren sumarase ao Programa de Acompañamento Escolar en Lingua Estranxeira.

A CIG-Ensino denuncia que se fixe un prazo de tempo tan pequeno, ata o 17 de decembro, para que os centros comuniquen o número de grupos cos que o centro se acollerá ao Programa e tamén que non exista criterios claros para a selección do alumando.

A CIG-Ensino critica a potestade que se lle dá ás direccións xa que o criterio de selección dependerá unicamente da equipa directiva e do profesorado especialista do centro sen saber a que criterios acollerse e que poden discernir dun centro a outro. Tampouco está de acordo con que a participación se limite a dous grupos de dez alumnos/as como máximo e que para a única materia que se articule este reforzo sexa a lingua estranxeira.

Por outra banda, a CIG-Ensino esixe que para este tipo de programas se contrate a profesorado especialista pois non se pode condicionar a que o haxa no centro. Ao mesmo tempo non acepta que  se obrigue ao profesorado do centro a facer horas extras, como sucede actualmente, aínda que sexan retribuídas.

Este programa que leva  cabo a Consellaría en colaboración co Ministerio desenvólvese fóra do horario lectivo, con dúas horas semanais de apoio en lingua inglesa.