Este mércores 1 de marzo tivo lugar unha reunión coa Consellería de Educación co obxecto de negociar os servizos mínimos para a folga do ensino do día 9 de maio. A CIG Ensino comeza a reunión mostrando o desacordo coa data da reunión, día non lectivo e con escasa antelación na convocatoria. A CIG-Ensino considera a proposta presentada pola administración é arbitraria e desproporcionada. A CIG-Ensino entende que cos servizos mínimos establecidos pola Consellaría non queda garantido o lexítimo exercicio do dereito á folga do conxunto do persoal que traballa para Educación. Non foi posíbel chegar a un acordo negociado xa que a proposta da Consellaría é inaceptábel e conculca o dereito á folga para moitas traballadoras e traballadores.

Para a CIG-Ensino resulta especialmente grave que a Xunta teime en conculcar dereitos fundamentais de xeito reiterado xa que impide exercer o dereito a folga ao profesorado das unitarias malia o auto do 19 de xuño de 2002 da sala do contencioso-administrativo do TSXG que di: “enténdese que os servizos mínimos que hai que fixar para o período de folga convocado non poderán exceder en cada centro, departamento ou oficina, do número de persoas que normalmente permanecen neles con ocasión dun domingo ou día festivo, salvo que se trate de órganos que tales días permanecen pechados, no que haberá que atenderse ás quendas estabelecidas para os sábados”.

De cumprirse o estabelecido polo alto tribunal galego, se todo o profesorado secunda a folga, ningún centro debería estar en funcionamento o día 9 de marzo posto que nas fins de semana as escolas permanecen pechadas. Pola contra, a Consellaría de Educación estabeleceu que un traballador/a de cociña nos centros ordinarios con comedor escolar de xestión directa e un encargado de catering nos de xestión indirecta, un/ha auxiliar coidador/a e o 20% do persoal de comedor, subalterno e limpeza das residencias docentes ten que estar operativo o día da folga. 

Ademais, a CIG-Ensino considera especialmente intolerábel que a Xunta volva privar dos seus dereitos ao persoal das escolar unitarias, e en boa medida dos coidadores/as e subalternos/as, xa que obriga á presenza dalgún/ha membro docente naqueles centros con menos de seis unidades.

Servizos mínimos no ensino público.

Centros de 6 ou máis de 6 unidades: 1 membro do equipo directivo e un subalterno ou subalterna en cada centro educativo.

Centros de menos de 6 unidades: 1 membro do equipo directivo ou membro do claustro no que deleguen.

Unitarias (non pertencentes a un CRA): un profesor ou profesora da unitaria.

Unha persoa de cociña nos centros ordinarios con comedor escolar de xestión directa.

Un encargado de catering en cada un dos comedores de xestión indirecta.

Un auxiliar coidador/a en cada centro educativo que non sexa centro de educación especiál e que neste curso teña asignado persoal desa categoría.

O 20% do perosoal de comedores, limepza e subalaternos nos centros residenciais docentes.

O 20% do perosoal de comedores, ATS, limpeza,coidadeores e persoal médico dos centros de educación especial.

Podedes ler a acta da reunión co resto dos servizos mínimos na seguinte ligazón