Desde a CIG-Ensino apoiamos o manifesto de Galiza Por Palestina no cal piden ás traballadoras e traballadores do sistema educativo galego, ao persoal docente e non docente, ao persoal investigador, ás académicas e académicos, escritoras e escritores, e ás responsábeis das institucións da educación, lingua e cultura galegas que apoien as seguintes exixencias:

1. Demandamos do goberno da Xunta de Galicia que denuncie o xenocidio do pobo palestino e ocupación ilegal, e que deixe de bloquear o consenso para unha Declaración Institucional no Parlamento Galego que exixa o cumprimento das resolucións das Nacións Unidas e da lexislación internacional.
2. Pedimos á Real Academia Galega e ás demais institucións representativas da lingua e cultura galegas que emitan declaracións firmes de denuncia do apartheid, da ocupación da Palestina e do xenocidio do seu pobo
3. Exiximos ás universidades galegas que cumpran coas súas obrigas legais fronte ás violación do Dereito
   Internacional por parte de Israel, rompendo todo tipo de relacións con institucións implicadas.
4. Demandamos un sistema educativo público, inclusivo, crítico e independente, que non colabore con entidades que financien ou se lucren da ocupación e do xenocidio do pobo palestino.
5. Pedimos revisar os convenios e acordos con organismos públicos e privados israelís, e suspender relacións con aqueles que non tomen unha posición firme pola paz.

Podes ler o manifesto completo na seguinte ligazón e apoialo coa túa sinatura nestoutra ligazón