Como cada ano no mes do orgullo a CIG-Ensino achega ao profesorado unha proposta didáctica para o alumnado. Nesta ocasión presentamos un texto e un vídeo onde o dramaturgo galego e profesor de Dramaturxia na Escola Superior de Arte Dramática de Galiza, Afonso Becerra, comenta pezas recentes de artes escénicas con perspectiva LGBTIQ+.

Becerra fai afirmacións tan interesantes como as seguintes:

“É necesario facer visible a diferenza, sobre todo cando esa diferenza implica unha marxinación histórica contra lesbianas, gays, bisexuais, transexuais, intersexuais e persoas queer. Ou sexa, contra todas aquelas persoas que non nos identificamos coa tendencia hexemónica e maioritaria da norma heterosexual do patriarcado, na que somos educades desde que nacemos.”

“O máis bonito dos escenarios é que nos permiten non só imitar as realidades que nos rodean, xogar con elas para poñer o foco en aspectos sobre os que queremos chamar a atención dunha maneira emocionante e que faga pensar á xente. Ademais, tamén podemos crear mundos e facer que algunhas utopías poidan realizarse enriba dos escenarios.”

Animámosvos a traballar con este material xunto ao voso alumnado e a reflexionar arredor dos comentarios desta atractiva escolma de pezas que se recollen:

‘Elisa e Marcela’ d’A Panadaría

‘Microspectivas dun marica millennial’ de Incendiaria

‘Mosca’ de Gustavo del Río – Ártika Teatro

‘Menu-do dia’ do Colectivo CBV

‘Metodoloxías carroñeiras para corpos invertidos’ de Colectivo VACAburra

‘Blondi’ de David Loira

‘Nó’ e ‘Intempestiva’ de Elahood

‘BAqUE’ de Gaya de Medeiros

‘Contos invertidos’ de Nicolás Otero

‘Non obstante, Life Is a Cabaret, As You Know’ de Alopro

‘Unha rosa entre as pernas’ de TEP – Teatro En Punto

‘Ceibe’ de Fran Sieira Danza

Ligazón ao texto

Ligazón ao vídeo completo

Vídeo Completo