Finalmente confirmouse o que desde a CIG-Ensino viñemos denunciando desde a primeira reunión da actual fase de negociación do acceso á función pública docente para os próximos anos e tal e como podedes ler na redacción do texto de modificación do RD 276/2007 entregada para o seu debate na Comisión Permanente do CEE do día 9 de xaneiro non se recolle modificación algunha ao texto xa presentado.

Todo o proceso foi unha falsa negociación, marcada polo acordo asinado polas organizacións sindicais estatais, e que só dou lugar a pequenas concesións (aumento de temas a elixir, maior ponderación da fase de concurso e, dentro desta, da experiencia docente) que, como xa dixemos, non serve para nada se non existen garantías de que realmente se aplique un concurso oposición e non unha oposición, como vén acontecendo nestes últimos anos con carácter absolutamente maioritario.

Cadro resumo do sistema de acceso.