Proposta do MEC para o novo Bacharelato.

Novo Bacharelato

Achegámosvos a proposta do Ministerio de Educación para o novo Bacharelato.

A PROPOSTA DO MEC DO NOVO BACHARELATO  

► ESTRUTURA

  1. 3 modalidades:
    • Artes.
    • Ciencias e Tecnoloxías.
    • Humanidades e CC.SS.
  2. Organízase en materias comúns, propias da modalidade e optativas.
  3. Artes organízase en dúas vías:
    • Artes plásticas, deseño e imaxe.
    • Artes escénicas, música e danza.
  4. O alumnado pode elixir entre o total das materias da modalidade que cursen. Se o centro non oferta todas as materias da modalidade, facilitarase cursar algunha materia a distancia ou noutros centros escolares.    

 

► MATERIAS COMÚNS

·        Son 7: Ciencias do mundo contemporáneo, Ed. Física, Filosofía e cidadanía, Hª da filosofía, Hª de España, Ling. e lit. Castelán, Ling. e lit. galega, Lingua estranxeira.  

·        En 2º curso: Lingua castelán e literatura, Lingua estranxeira, Hª da Filosofía e Hª de España.

 

► MATERIAS DA MODALIDADE

·        Débense cursar, como mínimo, 6 nos dous cursos das que 5 teñen que ser da mesma modalidade.

 

► MATERIAS DA OPTATIVAS

·        Serán reguladas polas administracións educativas de modo que o alumnado poida elixir tamén como optativa polo menos unha materia da súa modalidade.

 

► PROMOCIÓN

·        Pódese acceder a 2º curso con 2, como máximo, suspensas.

·        Os que non promocionen teñen que continuar un ano máis no 1º curso, debendo  cursar todas as materias se a avaliación negativa é superior ao 45% das que integran o curso. No caso contrario deben matricularse das materias de 1º con avaliación negativa e completar con materias de 2º.

 

► RESULTADOS

·        Os resultados expresaranse cunha cualificación numérica de 1 a 10.

 

A CIG-ENSINO vai urxir á Consellaría de Educación a negociación do currículo e ordenación do Bacharelato na Galiza co obxecto de que non se demore a súa aprobación e non ocorra o que aconteceu cos currículos de ESO e Infantil. Para iso, é necesario abrir un debate con tempo suficiente para que, como máis tardar, arredor do mes de marzo, o currículo de Bacharelato en Galiza estea concluído e publicado.

Volver