En aplicación do SMI, que acadou os 965€ en setembro deste ano 2021, e da disposición final 4ª do XII Convenio estatal de centros de asistencia e educación infantil na etapa 0-3, os sindicatos e patronais asinantes do mesmo víronse na obriga de aceptar unha nova adaptación das táboas salariais xerais a dito SMI, desta vez sen retrasos como aconteceu nas anteriores que a CIG-Ensino tivera que denunciar ante a autoridade laboral competente.

Ditas táboas xerais terán que aplicarse dende a nómina de setembro de 2021, pagando os atrasos no prazo dun mes despois de saír publicadas no BOE (09/12/2021).

As educadoras terán un incremento de 25€ ( 15€ do SMI + 10€ do diferencial acordado coas categorías inferiores e “recoñecer” así a súa maior formación, responsabilidade e cualificación), pero non sobre os 968,09€ que xa tiñan asinados, senón sobre o SMI anterior (950€), é dicir, o ridículo diferencial de 18.09€ que tiñan nas anteriores táboas vese de novo rebaixado aos 10€.

Nota: O CPP do cargo directivo será o que lle corresponda ao seu posto de traballo

En aplicación dunha cláusula de revisión salarial introducida na Disposición Transitoria 8ª, do XII Convenio estatal de centros de asistencia e educación infantil na etapa 0-3, as táboas salariais de xestión indirecta do apartado “C” terán un incremento do 1,1% dende setembro do 2021, sobre todas e cada unha das categorías e tendo que aboar os atrasos no mes seguinte a saír as táboas publicadas no BOE.

Nota: O CPP do cargo directivo será o que corresponda ao seu posto de traballo

*Esta cláusula de revisión salarial será de aplicación nas táboas xerais e nas de centros de obras sociais a partir de decembro de 2021, segundo quede o IPC nese mes, DISPOSICIÓN FINAL 5ª.