Publicado o reparto de prazas por corpos e especialidades.

Publicada toda a información da mesa sectorial incluída a oferta de cambio de corpo.

Proxecto de decreto polo que se aproba a oferta de emprego público para o ano 2022.

Ligazón ao borrador.

Orde convocatoria oposicións 2022.

Ligazón ao borrador.

A CIG-Ensino non dá o seu apoio á OPE docente ao non se negociar conxuntamente coa de concurso de méritos e coas prazas de oposición extraordinaria.

Procesos selectivos do 2022: unha situación extraordinaria require unha negociación seria e global.

Ligazón ao CIG-Informa.

Prazas de ingreso por corpo e especialidade

Ligazón ao CIG-Informa coa información das prazas de ingreso por corpo e especialidade.

Prazas de acceso por corpo e especialidade

Ligazón ao CIG-Informa coa información das prazas de acceso por corpo e especialidade.

Varios

Ligazón ao CIG-Informa con todos os varios da mesa sectorial.

• Exiximos unha rectificación pública do conselleiro das súas declaracións sobre o persoal interino

  A CIG-Ensino considera totalmente fóra de lugar as declaracións do conselleiro na rolda de prensa da presentación da oferta de emprego na que afirmou que a “boa situación do sistema educativo galego” estaba relacionado coa reducida porcentaxe de persoal interino en relación ao resto das comunidades do estado. A estabilidade laboral e nos claustros sempre é un elemento importante para para mellorar o noso traballo como docentes mais o traballo que realiza o persoal interino, como o que é funcionariado de carreira, non pode ser posto en cuestión, xa que todo o profesorado galego, con independencia da súa situación administrativa, foi e é un exemplo de esforzo e dedicación ao sistema educativo, e nestes dous anos de pandemia evidenciouse. É un insulto que o conselleiro non o recoñeza. 

• Sentenza cátedras conservatorio

  En que situación nos atopamos ao respecto da execución das sentenzas? Que previsións ten a Consellaría? Hai algunha demanda de execución. Van comezar por resolver un incidente de execución dun colectivo de participantes que non obtivo praza e que solicitan que as prazas que poidan quedar vacantes pola perda de condición de catedrático lles sexan adxudicadas. A Consellaría entende que a sentenza non o permite e vanse dirixir ao TSXG para que aclare a situación. Mentres non haxa unha solución a este tema non poden facer nada máis. Agardan que para comezos de curso 2022/23 estea todo resolto.

• Proceso de integración dos PTFP no corpo de PES

  Sabendo que o regulamento para a  integración é responsabilidade do Ministerio, preguntamos se a Consellaría tratou co MEFP as datas que manexa unha integración que vai cumprir agora un ano de retraso, para quen tiña o requisito de titulación. Afirman que non teñen ningunha información. Non pode haber procedemento sen que o Ministerio aprobe o Regulamento. Os efectos serán desde a entrada en vigor da nova Lei Orgánica de FP.

• Data finalizacións das substitucións do persoal adscrito a programas

  As substitucións das persoas mentoras que forman parte dos equipos de apoio dixital aos centros (DixitalGal) e das substitucións das persoas responsábeis das unidades de acompañamento e orientación persoal e familiar (RAOGAL) teñan data de remate a 30 de xuño. Solicitamos que sexan consideradas prazas de persoal interino, é dicir, que o nomeamento se alongue até 31 de agosto. Non van cambiar a data de finalización dos contratos.

• Coidado das crianzas: deber inescusábel

  Seguimos sen ter solución sobre que facer cando as nosas crianzas son contacto directo dun positivo por COVID ou cando lles pechan a aula, non poden acudir ao centro escolar pero nós non temos permiso para o seu coidado. Esiximos que se computen como o que son: un deber inescusábel. Alegan que non poden tomar esa decisión xa que excede das súas competencias, ao ser un tema que afecta a todo o persoal da Xunta.

• Plan de Igualdade para o persoal docente da Consellería de Educación

  Toda administración pública, na súa condición de empregadora, está obrigada a elaborar un Plan de Igualdade antes de marzo de 2022. Función Pública xa está negociando o seu para o persoal da administración xeral, que no caso da Consellería de Educación só afecta ao persoal non docente. A CIG-Ensino demanda que Educación comece a negocialo canto antes para o profesorado. Tratarán o tema coa secretaría xeral técnica.

• Comisión de baremación do CXT

  Cando está previsto que comece funcionar a comisión de baremación subxectiva? De igual forma preguntamos cando está previsto comezar coa publicación das puntuacións provisionais? Convocarán en breve. Non teñen datas previstas para a publicación provisional.

• Actualización listas de mestres. Cobertura das baixas

  Desde a CIG-Ensino xa solicitamos a actualización inmediata das listas de substitucións do corpo de mestres que entendemos necesaria para a cobertura de todas as baixas producidas pola 6ª vaga. De igual forma solicitamos que se cubran con urxencia todas as baixas do persoal dos centros educativos. A falta de persoal na Consellaría para realizar os chamamentos non pode ser desculpa para que os centros non vexan cubertas as súas necesidades. Informan de que comezaron a publicación das actualizacións nesta mesma mañá.

• Transparencia dos datos da pandemia

  Por primeira vez desde setembro de 2020 o conselleiro deu datos da afectación da pandemia no profesorado como sempre solicitou a CIG. Demandamos que esa información se manteña e que poida  servir de referencia para un estudo rigoroso sobre a saúde laboral do profesorado.

• Datas da publicación das cátedras

  Temos constancia de varios recursos de alzada aceptados que van variar a resolución do concurso de cátedras. Vai haber unha nova publicación? Cando está prevista a resolución definitiva? Entendemos que se mantén a data de efectos económicos e administrativos do 1 de xaneiro do 2022. Hai uns 80 recursos presentados. Unha vez analizados cales van ser aceptados publicarán que persoas adquiren a condición de cátedras, e esta condición será desde o 1 de xaneiro de 2022.

• Regulamentos Orgánicos de Centros

  Levamos preguntando desde hai máis dun ano pola situación dos grupos de traballo que se nos dixo foron creados para redactar unha nova proposta dos ROC e non sabemos nada. Tratarán o tema coa secretaría xeral de educación.