Instrucións da inspección para a aplicación do acordo sobre cadros de persoal e xornada de traballo
Acordo do 8 de xuño
Reproducimos o texto das instrucións que enviou a inspección aos centros para aplicación do acordo do 8 de xuño logo de que a CIG-Ensino instara á Consellaría a enviar normas sobre a súa execución.
Texto das instrucións da inspección para o cumprimento do acordo do 8 de xuño sobre cadros de persoal e xornada de traballo en Infantil e Primaria
INSTRUCIÓNS
1. Con data 8 de xuño de 2007 as organizacións sindicais asinaron coa Sra. Conselleira de Educación un novo acordo sobre os cadros de persoal dos centros e a xornada de traballo.
2. A Orde do 17 de xullo de 2007 (DOG do 24), regulou a percepción da compoñente singular do complemento específico por función titorial e outras funcións docentes.
Toda esta normativa posibilita:
A. Incremento dos cadros de persoal dos centros.
A Orde do 6 de xullo de 2007 (DOG do 26), estableceu o número de unidades e os postos de traballo docentes dos centros públicos dependentes da Consellería de Educación e O.U. nos niveis de educación infantil, primaria e educación especial. Aínda así, tal e como se contempla no artigo cuarto, a súa aplicación será gradual durante os cursos 2007/08 e 2008/09 e DEBERÁ ESTAR VIXENTE NA SÚA TOTALIDADE NO INICIO DO CURSO 2009/10.
B. Unha nova xornada de traballo que se distribúe do seguinte xeito:
a. Horas lectivas : 21 horas semanais
Inclúe as horas de docencia directa co alumnado e as horas de garda.
Tamén se consideran lectivas as horas de reducións establecidas para o desempeño dos órganos unipersoais de goberno, xefaturas de departamento, coordinación de ciclo, coordinación do equipo de normalización lingüística, e as que, de ser o caso, estean establecidas ou se establezan.
Co fin de aproveitar ao máximo os recursos humanos deberíanse seguir os seguintes criterios:
-
Todo o profesorado deberá completar, na medida do posible, 21 horas lectivas.
-
Se un profesor/a non ten o seu horario lectivo completo da especialidade á que está adscrito ou doutras para as que estea habilitado, poderá completalo realizando, dentro do horario lectivo ordinario do alumnado, algunha das seguintes actividades: Reforzos educativo, atención á diversidade, desdobramentos (nas materias de lingua galega, lingua castelá, lingua estranxeira ou matemáticas), atención específica de apoio ao alumnado estranxeiro e minorías étnicas e apoio á educación infantil
b. Horas complementarias fixas: 4 horas semanais
Estas horas teñen carácter fixo nos horarios e teñen, a efectos de asistencia do profesorado, a mesma consideración que as horas lectivas. Deben realizarse do seguinte xeito:
-
Dúas horas dedicaranse, preferentemente, á DINAMIZACIÓN das novas tecnoloxías, biblioteca, convivencia escolar, normalización lingüística, mellora da calidade educativa, programas internacionais, apoio á xestión económica do centro ou outras actividades de carácter análogo que redunden na calidade do ensino, no marco que se estableza no proxecto educativo e na programación xeral anual do centro. (Ver artº 6 da Orde do 17 de xullo de 2007 antes citada)
-
As dúas restantes deben fixarse, con carácter xeral, fóra das 25 horas do horario lectivo do alumnado para posibilitar:
-
A titoría dos pais/nais
-
As reunións, no seu caso, dos equipos de ciclo e outros órganos de coordinación (Comisión de coordinación Pedagóxica, Equipo de N. Lingüística e Equipo de Actividades complementarias e extraescolares).
-
(No caso dos centros que teñen autorizada a xornada lectiva en sesión única estas dúas horas seguirán realizándose o martes pola tarde, tal e como figura nos proxectos pedagóxicos correspondentes)
EN CONSECUENCIA:
As horas lectivas e as horas complementarias fixas deben sumar sempre 25 horas. Xa que logo, se un mestre/a ten menos de 21 horas lectivas deberanse incrementar as horas complementarias fixas ata 25 horas.
-
Exemplo: Un mestre/a ten o seguinte horario:
→Horas lectivas: 18
→Gardas: 2
→Horas complementarias fixas: 5(TOTAL: 25 HORAS)
-
Todo mestre/a ten que estar presente no centro:
-
25 horas semanais
-
(No exemplo anterior o mestre/a debería permanecer no centro:
→18 horas de clase
→2 horas de garda
→5 horas complementarias fixas (Destas cinco dúas deberán fixarse, con carácter xeral, en horas que NON coincidan coas 25 do alumnado.
TOTAL PERMANENCIA: 25 HORAS )
TOTAL PERMANENCIA: 25 HORAS )
c. Horas complementarias non fixas: 5 horas semanais
Estas horas son de cómputo mensual e non teñen carácter fixo. Poden dedicarse, entre outros asuntos, aos seguintes:
→Reunións de Claustro
→Reunións de Consello Escolar
→Xuntas de Avaliación
→Proxectos de formación: formación en centro, seminarios permanentes, grupos de traballo, cursos, etc.
→Proxectos de formación: formación en centro, seminarios permanentes, grupos de traballo, cursos, etc.
→Horas de vixilancia das actividades complementarias que os mestres/as dos centros que teñen autorizada a xornada lectiva en sesión única realizan en horario de tarde.
Etc.
Etc.
(A asistencia ás reunión dos órganos colexiados e ás xuntas de avaliación son obrigatorias e teñen, a efectos de faltas do profesorado, os mesmos efectos que as horas lectivas ou as complementarias fixas).
EN RESUMO: O horario de dedicación do profesorado a actividades no centro será de 30 horas semanais que se reparten así:
►25 de carácter fixo
►21 lectivas
►25 de carácter fixo
►21 lectivas
►4 complementarias fixas
►5 de carácter non fixo e de cómputo mensual.
NOTA MOI IMPORTANTE: O HORARIO FIXO DE PERMANENCIA SEMANAL (25 HORAS) SERÁ DE APLICACIÓN XA NESTE CURSO 2007/08, PERO A REDUCIÓN DO HORARIO LECTIVO (DE 25 A 21 HORAS) FARASE DE FORMA PROGRESIVA A MEDIDA QUE A DOTACIÓN DE PERSOAL O PERMITA. Xa que logo, durante o presente curso, de ser necesario, calquera mestre/a pode impartir máis das 21 horas lectivas. En calquera caso a redución deberá ser efectiva na súa totalidade ao comezo do curso 2009/10.
3. O R.D. 806/06, do 30 de xuño (BOE do 14 de xullo), polo que se establece o calendario de aplicación da nova ordenación do sistema educativo, establecido pola LOE (Lei Orgánica 2/2006), de 3 de maio, de Educación), establece no seu artigo 5º, que no curso académico 2007/08 implantarase as ensinanzas correspondentes aos cursos 1º e 2º da Ed. Primaria establecido na LOE e deixará de impartirse as ensinanzas correspondentes aos cursos 1º e 2º de Ed. Primaria regulada pola da LOXSE (Lei Orgánica 1/90). En consecuencia para o curso que agora se inicia dáse a seguinte situación:
a. O currículo que se deberá aplicar no primeiro ciclo de primaria é o establecido polo Decreto 130/07, do 28 de xuño, polo que se establece o currículo da Ed. Primaria na nosa comunidade autónoma ( DOG do 9 xullo) As materias a impartir e as horas que corresponden a cada unha delas son as establecidas no ANEXO III do citado Decreto e que, de seguido se reproducen:
|
MATERIAS
|
1º curso
|
2º curso
|
|
Lingua Castelá e Literatura
|
4
|
4
|
|
Lingua Galega e Literatura
|
4
|
4
|
|
Lingua Estranxeira
|
2
|
2
|
|
Educación Artística
|
2
|
2
|
|
Educación Física
|
2
|
2
|
|
Matemáticas
|
5
|
5
|
|
Coñecemento do Medio
|
5
|
4
|
|
Relixión
|
1
|
2
|
|
TOTAL
|
25
|
25
|
-
No segundo e o terceiro ciclo da Ed. Primaria deberán impartise as materias fixadas no D. 245/92 polo que se establece o currículo da Ed.Primaria fixado na LOXSE (DOG 14 de Agosto) respectando as distribución horaria establecida no artigo 8º, B do citado Decreto, e que, de seguido se relaciona: (Nestes dous ciclos non hai cambio algún respecto ao curso pasado).
|
MATERIAS
|
2º ciclo
|
3º ciclo
|
|
Lingua Castelá e Literatura
|
4
|
4
|
|
Lingua Galega e Literatura
|
4
|
4
|
|
Lingua Estranxeira
|
3
|
3
|
|
Educación Artística
|
2
|
2
|
|
Educación Física
|
2
|
2
|
|
Matemáticas
|
4
|
4
|
|
Coñecemento do Medio
|
4,5
|
4,5
|
|
Relixión
|
1,5
|
1,5
|
|
TOTAL
|
25
|
25
|
Calquera dúbida en relación con estas Instruccións ou coa normativa vixente, e de maneira particular a que fai referencia á implantación da L.O.E, pode ser consultada neste servizo de inspección educativa.
Novas relacionadas
