Hoxe tivo lugar en Madrid a asemblea plenaria do Consello Escolar do Estado para dar ao Goberno central a súa opinión sobre o anteproxecto de LOMCE. Nela participaron diferentes axentes e estamentos educativos para debater o anteproxecto de lei e redactar o informe correspondente en nome do consello. ELA e a CIG-Ensino presentaron cadanseu informe alternativo nos que se pide ao Goberno do Estado español a retirada do anteproxecto para a reforma educativa.

Unha vez presentados os informes alternativos, ELA e a CIG-Ensino, xunto a outras organizacións, abandonaron o Consello Escolar para denunciar a actitude inaceptable da abogacía do estado e da presidencia do Consello tratando de acallar las voces discrepantes.  Para ELA e a CIG-Ensino o procedemento foi totalmente antidemocrático e non se posibilitou a participación real dos diferentes axentes educativos.

En canto o contido, consideran que sen realizar diagnóstico serio algún e tomando como escusa o fracaso escolar proponse cambios de gran calado que pon en cuestión o dereito universal á educación, invaden competencias das comunidades autónomas e liquidan a xestión democrática dos centros.Estamos ante un novo ataque ás institucións e competencias vascas e galegas e un novo intento de centralización e españolización.

Trátase dun proxecto para pór a educación ao servizo dos mercados e das necesidades das empresas. Conformar un sistema máis clasista, selectivo e segregador coa pretensión de expulsar do mesmo aos  fillos e fillas das clases populares, menosprezar ao profesorado, recortando os seus dereitos laborais e profesionais, eliminar a xestión democrática e reforzar a confesionalidad da educación con centros que segregan ao alumnado por razón de sexo. Moito nos tememos que, tendo en conta os recortes impostos nos últimos anos, tras a reforma escóndase tamén a intención do goberno de Madrid de recortar aínda máis a educación (recorte de persoais, supresión de materias, ampliando as funcións e a posibilidade de desprazamento, amortizando prazas, aumentando o número de alumnos/as por aula, etc.).

Esta auténtica contrarreforma educativa faise en función de intereses ideolóxicos e económicos e buscar uniformar o estado ideolóxica, política e culturalmente.

Por todo iso, hoxe ELA e a CIG-Ensino pediron ao Consello Escolar do Estado que esixa ao Goberno de España a retirada do anteproxecto.

Igualmente, tal e como manifestaron con anterioridade, ELA e a CIG-Ensino piden ao novo Goberno Vasco, ao Goberno de Navarra e ao Goberno de Galiza e a todos os partidos políticos, que fagan fronte a este novo ataque á nosa capacidade para construír o sistema educativo que queremos os cidadáns e cidadás de Euskal Herria e de Galiza que de ningunha maneira apliquen recorte algún nas nosas competencias nin reforma regresiva algunha. Á súa vez, chama a toda a sociedade vasca e galega, aos axentes educativos e traballadores e traballadoras de educación a que fagan fronte a este novo ataque e a defender as nosas competencias en educación e os nosos dereitos e condicións laborais e sociais.