A CIG-Ensino valorou como moi negativo e como inaceptábel o permanente ataque deste goberno á nosa lingua, e de cruzada permanente en todo o relacionado con calquera cuestión relacionada coa normalización lingüística. Un docente debe ter coñecemento pleno do noso idioma e difícil vai ser comprobar a competencia cunha validación ou a presentación dun certificado. A capacitación do seu uso oral e escrito queda demostrada realizando polo menos unha das probas en galego, como se viña facendo. Isto liquídase da convocatoria, para a CIG é inaceptábel. Reclamamos que se manteña a proba en galego. É máis a CIG vén defendendo que sexa en galego a totalidade da oposición. No borrador de Primaria aínda poñía que se presentaría a programación en galego, mais agora dísenos que é un erro. É inoportuno, inaceptábel, é unha desconsideración co idioma e coa formación dos docentes.

INFORMACIÓN MESA SECTORIAL 25/02/2010:

CONVOCATORIAS DAS OPOSICIÓNS 2010

Intervención inicial da Consellaría:

• Xa o temos dito e debe aparecer recollido que a coordinación de cursos equivale a asistencia.

• Dicir que non nos parece apropiado que ao Profesorado de relixión se lle dea esa puntuación no baremo, xa que accederon por un procedemento anómalo.

• Que se compute o servizo de maternidade como servizos prestados, especialmente para o informe. O problema é da persoa que non está contratada por mor da súa maternidade.
• Formación: é completamente inxusto a diferenza entre cursos de 30 horas e máis, e tamén pensamos que se debe recoller a puntuación de cursos impartidos inferiores a cinco horas (debe establecerse unha puntuación por hora).
• Celga 4: Puntúanse os cursos de Iniciación e Perfeccionamento e as validacións até mesmo chegar a 0,8 ptos, mais non o Celga 4 porque non se considera un curso de formación. Demandamos que se puntúe igualmente, tal e como se fai coas validacións de Iniciación e perfeccionamento. Se isto se recorrese gañaríase. Que sexa coherente, se se puntúan as validacións, tamén o celga 4.

• Que nos apartados 2.5. e 3.2. se inclúa a formación en normalización lingüística como transversal.
• Aclarar na convocatoria que a asignación da puntuación é un acto público (momento en que o tribunal abre as plicas e asigna a nota de cada parte a cada opositor). O ano pasado díxose que se ía aclarar nas instrucións, mais non apareceu. Reclamamos que se recolla para que o persoal saiba a puntuación desa proba.

• Insitimos en que se debe garantir o anonimato (nalgunhas partes a numeración correlativa non o favorece).
• As prazas da quenda de discapacitados ou de promoción interna, cando non se presenta ninguén, que se acumulen á oferta xeral. Ç

• Proba de galego: di que se vai gardar a nota da proba de galego en Secundaria para sempre, e en Primaria dous anos. Isto non se fai para o castelán! Non se pode desprezar máis o noso idioma. Por que non se aplica o mesmo no resto das probas? O que subxace é o pouco valor que se lle quere dar ao noso idioma.

• Programación: hai decretos dos ciclos formativos novos (aí non hai dúbida), mais hai decretos de currículo de ciclos non aprobados pero si hai un Real Decreto a nivel estatal. Entendemos que a Consellaría ten que aclarar en base a que currículos se fan as programacións, nós entendemos que se ten que facer de acordo co que está en vixencia en Galiza.

• Datas da convocatoria: Xa o outro día se nos dixo que se ía atrasar a convocatoria, nós insistimos en que se aprace o máximo posíbel e queremos saber que data se está considerando.

• Non sabemos se todo o profesorado que é nomeado para centros doutras Administracións (Deputacións, Padroados,...) é coñecedor de que non poderá acollerse ao informe, mais a Consellaría di que non se pode facer e que ese profesorado opta a esas prazas sabendo que non terá dereito ao informe. Debería informarse a este profesorado.
• Que vai ocorrer co tema de Administración de Empresas e Economía? Tamén o tema da sentenza que di que o profesorado pode estar en dúas listaxes.

• Que no acceso de A2 a A1 se puntúe a tesiña, suficiencia investigadora....
• Que se eliminen os méritos por exercer a función inspectora, cargos directivos, cargos da administración e que se poida acumular o máximo de puntuación coa antigüidade no corpo.
• Que se elimine o apartado 1.2 do baremo.

• Hai que considerar como gravar as probas prácticas (Conservatorio) para que se poida ter unha proba documental no caso de futuras reclamacións.
• Debería facerse pública a puntuación de cada unha das partes da proba, sería positivo para os opositores.
• Que as probas prácticas se realicen na mesma localidade.

• Estamos nun proceso transitorio e levamos catro anos actuando da mesma maneira polo que non parece oportuno facer cambios.

• Francés de Primaria: xa dixeron que non convocaban por mor da negociación do RD de Concurso de traslados, onde se está a propor que os especialistas non teñan a especialidade de Primaria.
• Na oferta si se contemplan as prazas de xubilación LOE, fan unha estimación.
• Reclamacións 10 días naturais.
• Discapacidades: reunirase unha comisión e establecerá que adaptacións se aceptan.
• Unidade didáctica: 30 días para entregala.
• 8 de setembro/1 de setembro: nomeamento de prácticas: había problemas con intervención especialmente cos interinos, tiveron que iniciar os nomeamentos o día 8, e están nomeados até o día 8.
• Entenden que negociaron a oferta, o que pasa que as argumentacións que se dan non convencen.
• Devolución documentación: pretenden devolver a de promoción interna, do resto non a devolven porque están mantendo a puntuación doutras convocatorias e teñen que ter xustificación dos méritos alegados anteriormente.
• Fase de prácticas vaise flexibilizar como en Secundaria.
  

  ---

  Varios (rogos e preguntas):
   

  Propostas da CIG:

   

  • Actuacións da Consellaría ante o temporal: Que se modifique a resolución que se publicou respecto de que sexan as direccións as que decidan en función da situación meteorolóxica. Non é unha decisión que lle corresponda a un centro, correspóndelle á Consellaría. Ademais os centros non teñen os mecanismos para tomar esa decisión.

  Resposta: A Consellaría cando ten que suspender as clases faino. Fíxoo con alerta laranxa, previsión de neve e xeo. Nesta ocasión o fenómeno é distinto, ventos e chuvia, non son iguais en todos os puntos. Na instrución non se fala de suspender as clases, senón tomar as medidas que se consideren. Invítanos a negociar un protocolo, dicimos que si.

  • ROCs (Regulamento Orgánico dos Centros): temos que poñernos de acordo xa que é un tema importante e que leva tempo, por tanto non se nos pode presentar unha documentación para tratar nuns días. Débese fixar un período de negociación, porque ademais haberá que consultar a opinión do profesorado. En relación con isto, o lóxico é establecer un calendario e fixar os temas, a nós preocúpanos tratar inmediatamente xubilación, redución para maiores de55 anos, redución de rateos, dotación de administrativos.
  • Intercambios co estranxeiro: xa o trouxemos, mais o que é certo que é unha desconsideración co profesorado, que está organizado… liquidalo sen máis non nos parece oportuno.
  • Plus de penosidade para o profesorado dos CEE: este profesorado trata con alumnado de características especiais, parece lóxico que exista un complemento.
  • Varios que se comentaron noutras mesas e non se contestan: Non os reproducimos, mais levamos días presentando varios e non se nos contesta. Non todas as direccións da Consellaría actúan igual, mais isto é unha consellaría e pedimos respecto ás organizacións sindicais e que nos responda ao que presentamos.

   

  A CIG insiste que hai que acordar o tema do tempo para os ROCs. Estamos de acordo en que se vén a semana próxima non vimos á mesa? Os restantes sindicatos din que si, excepto ANPE. O Director xeral de RRHH di que non o pode decidir xa que compete a outra dirección xeral.

  ---

  NOTA DE PRENSA ENVIADA POLA CIG-ENSINO AOS MEDIOS DE COMUNICACIÓN:
   

  A consellaría de educación segue desprezando o galego, eliminando a realización en galego dunha parte da proba de acceso a función pública galega
  

  A CIG-Ensino esixiu na mesa sectorial que as probas de acceso á función docente se realicen en lingua galega

   

  A CIG-Ensino valorou como moi negativo e como inaceptábel o permanente ataque deste goberno á nosa lingua, e de cruzada permanente en todo o relacionado con calquera cuestión relacionada coa normalización lingüística. Un docente debe ter coñecemento pleno do noso idioma e difícil vai ser comprobar a competencia cunha validación ou a presentación dun certificado. A capacitación do seu uso oral e escrito queda demostrada realizando polo menos unha das probas en galego, como se viña facendo. Isto liquídase da convocatoria, para a CIG é inaceptábel. Reclamamos que se manteña a proba en galego. É máis a CIG vén defendendo que sexa en galego a totalidade da oposición. No borrador de Primaria aínda poñía que se presentaría a programación en galego, mais agora dísenos que é un erro. É inoportuno, inaceptábel, é unha desconsideración co idioma e coa formación dos docentes.

   

  A CIG tamén manifestou que é fundamental, necesario e urxente negociar un acordo de estabilidade, pois se ben é certo que moito profesorado interino accedeu á función pública, tamén é certo que hai interinos e interinas que levan moitos anos traballando e empeoraron a súa situación, mesmo quedando sen traballo. Ademais a CIG-Ensino indicou unha vez máis que este modelo de convocatoria non nos parece o máis axeitado, e que seguimos defendendo un procedemento de acceso diferenciado segundo as persoas opositoras teñan ou non servizos prestados.

   

  Outra das cuestións criticadas pola CIG é a aplicación con carácter retroactivo da modificación dos requisitos relacionados co título de especialización didáctica que até agora non se lle esixía ás especialidades de Psicoloxía, Tecnoloxía e FP, mais que agora se lle vai esixir. Isto pode ter como consecuencia que haxa persoas que non se poidan presentar por non ter 12 meses traballados e descoñecer que se lles ía pedir este requisito e non van poder telo nin este ano nin para a convocatoria do ano que vén. En relación con isto queremos dicir ademais que para acceder os cursos para a obtención dese título hai números clausus.

   

  A CIG tamén reclamou que a Consellaría dea instrucións claras e precisas aos tribunais para que non se produzan diferenzas nas súas actuacións. Ademais que aclaren na propia presentación cales van ser os criterios de avaliación dos opositores.

   

  Valoramos como positivo dúas cuestións: a exención do pago de taxas ás persoas paradas e que as mulleres hospitalizadas poidan ter dereito a non estar presentes no acto de presentación.

   

  A Consellaría aceptou a proposta da CIG de non ser requisito estar traballando o día da convocatoria para acollerse á elaboración do informe, deste xeito quen poida acreditar 180 días de servizos prestados neste curso poderá acollerse ao informe.