As demais OO.SS desbotaron a anterior proposta patronal, volvendo á proposta social unitaria, na que nos mantivemos firmes na CIG-Ensino.

Nesta 14ª mesa de negociación, todas as OO.SS amosamos unha clara desconformidade ante a proposta da patronal na anterior mesa para as táboas xerais, pero con matices, pois os demais só reivindicaron a non aplicación do SMI, como tal, e que sexa o salario base de 900€; que a revisión salarial sexa retroactiva dende 2018 e que as subas salariais futuras teñan cláusula de revisión salarial na liña do AENC (para nós, garantir mínimo o IPC real, pois non compartimos o AENC asinado por patronais, CCOO e UGT). É dicir, reivindicaron a proposta conxunta que tiñamos todas ás OO.SS no aspecto salarial (na que nos mantiveramos a CIG-Ensino), pois as melloras laborais do resto do articulado do convenio só foi reivindicado por nós, pola CIG-Ensino, que incluso propuxemos aos demais, unha vez máis, presionar á patronal con mobilizacións de non conseguir melloras significativas, tanto salariais como laborais, tal e como nos demandan as traballadoras/es.

A nosa defensa dos dereitos dos traballadores/as e a denuncia pública que fixemos do “entreguismo”, supuxo que as demais OO.SS volveran, en certa forma, á nosa posición. Isto provocou que as patronais tiveran que ofertar melloras, aínda que minimamente se moveron nas táboas xerais. Presentaron as táboas de xestión indirecta (escolas públicas financiadas polas administracións) facendo un  achegamento á proposta social conxunta pero só coa garantía de aplicar aos traballadores/as segundo se vaian asinando novos pregos a partir de xaneiro deste ano, pois os anteriores a esta data e as posibles prórrogas terán outras táboas á baixa, até setembro de 2021, como máximo.

A BANCADA PATRONAL, presenta unha nova proposta “definitiva” en aras de chegar a un acordo, pero só en termos salariais, pois o resto do convenio quedaría tal cal está, só con adaptacións legais ao texto de obrigado cumprimento.

PROPOSTA TÁBOAS XERAIS

Para os anos 2016, 2017 e 2018 mantemento dos salarios, é dicir, conxelación.

Caso de novos SMI en 2020 e 2021 reunirase a mesa de negociación para fixar novas cantidades.

As demais OO.SS tamén as desbotan polos motivos expostos anteriormente, pero valorarán en conxunto coa proposta das táboas de xestión indirecta. Aceptan todas negociar só táboas salariais.

PROPOSTA TÁBOAS XESTIÓN INDIRECTA

A partir de  setembro de 2021, o grupo mestras/es igualarán salarios co dos novos pregos dende 1/01/2019.   

CLÁUSULAS DE GARANTÍA

Ao traballador/a que teña un salario total (salario máis complementos), con absorción e compensación do complemento específico, no seu caso, superior ao establecido anteriormente, respectaráselle dito salario.

Estabelécese un período transitorio até setembro de 2021 para os traballadores/as dos centros con contratos ou subvencións en vigor anteriores ao 1/01/2019 (inclúense posibles prórrogas), para que se vaian incorporando aos salarios dos novos pregos licitados a partir de dita data. Con efectos de 1-9-2021 aplicarase con carácter xeral e obrigatorio a incorporación de todos/as os/as traballadores/as a ditos salarios.