A maior parte dos centros de Secundaria inician o curso cun recorte importante de profesorado que lles impede atender todas as necesidades educativas e obrígaos a renunciar a participar en determinado
Valoración do inicio de curso en secundaria
Este venres 17 de setembro iníciase un dos curso máis conflitivos en Secundaria, Formación Profesional, Ensinanzas Artísticas e Idiomas, por mor da actitude da Consellaría de Educación, unha actitude que se resume dicindo que o Ensino Público e a súa calidade non é unha prioridade para este goberno.
A maior parte dos centros de Secundaria inician o curso cun recorte importante de profesorado que lles impede atender todas as necesidades educativas e obrígaos a renunciar a participar en determinados programas educativos
Este venres 17 de setembro iníciase un dos curso máis conflitivos en Secundaria, Formación Profesional, Ensinanzas Artísticas e Idiomas, por mor da actitude da Consellaría de Educación, unha actitude que se resume dicindo que o Ensino Público e a súa calidade non é unha prioridade para este goberno.
Nalgúns conservatorios e Escolas de Idiomas non poderá iniciarse o curso mañá, non só porque non rematou o prazo de matrícula, circunstancia que a CIG xa denunciara durante a negociación do Calendario escolar, senón tamén porque non se conta co profesorado necesario e, nalgún conservatorio como o de Compostela, nin sequera hai as prazas suficientes para o alumando, debido a forte demanda existente que a consellaría non só non resolve, senón que nin sequera dota o centro con todo o profesorado necesario.
Fronte a isto, como xa denunciou a CIG-Ensino, 676 profesores e profesoras interinos quedaron sen praza, e case o 50% dos que teñen destino (612 interinos e funcionarios) vense na obriga de impartir materias afíns, ás veces até dúas (124) ou tres (43), ademais dos funcionarios de diferentes materias que, a día de hoxe, seguen sen recibir a chamada da Consellaría que lles asigne praza nun centro. De feito, a situación chega ao extremo, que diferentes direccións presentaron a súa dimisión por mor desta situación, pois a realidade é que son moi excepcionais os centros que contan con todo o profesorado que necesitan e non teñen que reclamalo. O denominador común neste momento é que as direccións dos centros están “pelexando” coa consellaría para que lle mande o profesorado necesario, do contrario hai centros que teñen até problemas para configurar os horarios.
A situación que se produce este curso escolar non ten precedentes: centros sen profesorado, rateos elevadas, e profesorado sen destino. A Consellaría deu lugar a esta situación cos continuos recortes que veu realizando. Así iniciase o curso coa supresión da Educación permanente de adultos en máis de 50 centros de Secundaria, a supresión de ciclos formativos en máis de 20 centros, a redución de unidades e a presión sobre os centros para que non soliciten todo o persoal que precisan. Mentres numeroso alumnado non ten praza no ciclo formativo desexado. A isto hai que engadirlle a situación de Primaria e Infantil: supresión de 19 centros escolares, supresión de 79 unidades e, por tanto, de 108 postos en Infantil e Primaria, non cobertura de substitucións, ou non cobertura de postos que corresponden por catálogo.
En consecuencia os centros non poden atender todas as necesidades educativas e se viron obrigados a renunciar a algúns proxectos en que viñan participando, a reducir oferta de optativas, a non e levar a cabo desdobres, a non poder ofertar grupos de formación profesional inicial, etc por non contar co profesorado necesario para levalos adiante.
Todo isto contrasta co dispendio de fondos públicos contra o noso idioma. A Consellaría de Educación tarda varios días en enviar os substitutos necesarios aos centros para aforrar días de contratación, mentres malgasta millóns de euros para substituír libros que non esgotaron o seu período de vixencia, simplemente por estar en galego. Os centros aínda non contan con todo o profesorado necesario, mais educación vai gastar máis dun millón de euros en promocionar o Decreto contra o galego. Manobras que coinciden coa persecución inquisitorial aos Equipos de Normalización por parte dun grupo minoritario e de extrema dereita que pretende atacar ao profesorado que cumpren co seu labor, aos que a CIG apoiará incondicionalmente e aos que xa nos diriximos para trasladarlles o noso apoio, recoñecemento e disposición a non permitir ningún tipo de persecución contra eles nin ningún outro profesor ou profesora.
Este venres 17 de setembro iníciase un dos curso máis conflitivos en Secundaria, Formación Profesional, Ensinanzas Artísticas e Idiomas, por mor da actitude da Consellaría de Educación, unha actitude que se resume dicindo que o Ensino Público e a súa calidade non é unha prioridade para este goberno.
Nalgúns conservatorios e Escolas de Idiomas non poderá iniciarse o curso mañá, non só porque non rematou o prazo de matrícula, circunstancia que a CIG xa denunciara durante a negociación do Calendario escolar, senón tamén porque non se conta co profesorado necesario e, nalgún conservatorio como o de Compostela, nin sequera hai as prazas suficientes para o alumando, debido a forte demanda existente que a consellaría non só non resolve, senón que nin sequera dota o centro con todo o profesorado necesario.
Fronte a isto, como xa denunciou a CIG-Ensino, 676 profesores e profesoras interinos quedaron sen praza, e case o 50% dos que teñen destino (612 interinos e funcionarios) vense na obriga de impartir materias afíns, ás veces até dúas (124) ou tres (43), ademais dos funcionarios de diferentes materias que, a día de hoxe, seguen sen recibir a chamada da Consellaría que lles asigne praza nun centro. De feito, a situación chega ao extremo, que diferentes direccións presentaron a súa dimisión por mor desta situación, pois a realidade é que son moi excepcionais os centros que contan con todo o profesorado que necesitan e non teñen que reclamalo. O denominador común neste momento é que as direccións dos centros están “pelexando” coa consellaría para que lle mande o profesorado necesario, do contrario hai centros que teñen até problemas para configurar os horarios.
A situación que se produce este curso escolar non ten precedentes: centros sen profesorado, rateos elevadas, e profesorado sen destino. A Consellaría deu lugar a esta situación cos continuos recortes que veu realizando. Así iniciase o curso coa supresión da Educación permanente de adultos en máis de 50 centros de Secundaria, a supresión de ciclos formativos en máis de 20 centros, a redución de unidades e a presión sobre os centros para que non soliciten todo o persoal que precisan. Mentres numeroso alumnado non ten praza no ciclo formativo desexado. A isto hai que engadirlle a situación de Primaria e Infantil: supresión de 19 centros escolares, supresión de 79 unidades e, por tanto, de 108 postos en Infantil e Primaria, non cobertura de substitucións, ou non cobertura de postos que corresponden por catálogo.
En consecuencia os centros non poden atender todas as necesidades educativas e se viron obrigados a renunciar a algúns proxectos en que viñan participando, a reducir oferta de optativas, a non e levar a cabo desdobres, a non poder ofertar grupos de formación profesional inicial, etc por non contar co profesorado necesario para levalos adiante.
Todo isto contrasta co dispendio de fondos públicos contra o noso idioma. A Consellaría de Educación tarda varios días en enviar os substitutos necesarios aos centros para aforrar días de contratación, mentres malgasta millóns de euros para substituír libros que non esgotaron o seu período de vixencia, simplemente por estar en galego. Os centros aínda non contan con todo o profesorado necesario, mais educación vai gastar máis dun millón de euros en promocionar o Decreto contra o galego. Manobras que coinciden coa persecución inquisitorial aos Equipos de Normalización por parte dun grupo minoritario e de extrema dereita que pretende atacar ao profesorado que cumpren co seu labor, aos que a CIG apoiará incondicionalmente e aos que xa nos diriximos para trasladarlles o noso apoio, recoñecemento e disposición a non permitir ningún tipo de persecución contra eles nin ningún outro profesor ou profesora.
