
A Consellaría publica o borrador da orde que regula as materias optativas no Bacharelato sen atender os cambios necesarios
O texto non poderá publicarse no DOG mentres non se publique o Decreto co currículo, algo que posibelmente non aconteza até setembro
A Consellaría de Educación segue o guión previsto de quen vive instalado nunha concepción unívoca e incontestábel do exercicio do poder e, sen mediar ningún tipo de contraste, vén de publicar no portal educativo o denominado “anteproxecto de orde pola que se establece o currículo das materias optativas do bacharelato e se regula a súa oferta”.
Finalmente a Consellaría desatendeu as demandas de ampliación de materias optativas que desde a CIG-Ensino trasladamos, tanto na Mesa Sectorial como no Consello Escolar de Galiza, e limitouse a incorporar no texto a relación de materias que avanzaran antes de someter o currículo a debate, sen aceptar:
- que se manteñan as actuais, cos necesarios cambios curriculares pola diferente carga lectiva (Coeducación para o século XXI, Literaturas Hispánicas ou Robótica en 1º e Ciencias da Terra e o Medio Ambiente, Fundamentos da Administración e Xestión, Imaxe e Son ou Electrotecnia en 2º).
- que se permita a oferta de novas optativas vinculadas ás ensinanzas artísticas.
O texto reproduce as condicións actuais para que os centros de secundaria poidan ofertar as materias: 10 alumnos e alumnas con carácter xeral e 5 con carácter extraordinario en zonas rurais, con previa autorización da administración. Estas condicións desatenden a demanda da CIG-Ensino e do profesorado de centros de zonas rurais ou socialmente desfavorecidas, para permitir que a oferta nestes centros puidese producirse con menos alumnado, cando menos de existir profesorado con dispoñibilidade no centro.
Mantendo a redacción proposta, no que se refire ao mínimo de alumnado para poder impartir materias optativas, e contra o sentir xeneralizado nos concellos rurais, daranse as mesas situacións que se produciron nestes últimos curso: haberá alumnado que non poderá cursar unha materia aínda que no seu centro haxa docentes con horas lectivas para facelo e haberá tamén casos nos que con 4 alumnos ou alumnas nun centro rural non se poderá impartir unha materia que pode ser determinante para o futuro académico ou profesional do alumnado. Tampouco se permitirá unha optativa con 8 ou 9 alumnas e alumnos nun barrio socialmente desfavorecido. Todo por unha idea reaccionaria e contraria á equidade e igualdade de oportunidades que practica o PP en materia educativa.
Así quedarías as materias optativas coa súa correspondente atribución docente por especialidades:
Optativas 1º BAC |
Especialidades docentes |
Optativas 2º BAC |
Especialidades docentes |
Anatomía Aplicada |
Bioloxía e Xeoloxía |
Métodos Estatísticos e Numéricos. |
Matemáticas |
Antropoloxía |
Filosofía |
Psicoloxía. |
Filosofía |
Cultura Científica |
Bioloxía e Xeoloxía Física e Química
|
II. – Xeografía, Historia, Arte e Patrimonio de Galicia. |
Xeografía e Historia |
Segunda Lingua Estranxeira I |
Alemán Francés Inglés Italiano Portugués |
Segunda Lingua Estranxeira II |
Alemán Francés Inglés Italiano Portugués |
Tecnoloxías da Información e da Comunicación I |
Informática Tecnoloxía |
Tecnoloxías da Información e da Comunicación II |
Informática Tecnoloxía |
Literatura Galega do Século XX e da Actualidade |
Lingua e Literatura Galega |
|
|
As materias de modalidade de primeiro curso. |
|
As materias de modalidade de segundo curso. |
|
Ligazón ao borrador da orde que regula as optativas no bacharelato.
Novas relacionadas