9/6/2017
Facebook Twitter Google Plus Chuza Cabozo Belvis
compartir

A CIG-Ensino esíxelle a Consellaría unha vez máis que publique as listas de admitidas nas oposicións

A situación é moito máis grave cando só falta unha semana para a primeira das probas
A unha semana de que se inicien as oposicións, a Consellaría de Educación continua sen publicar a relación de persoas admitidas e excluídas nas oposicións de ensino. A CIG-Ensino quere denunciar unha vez máis a situación de incerteza na que a Consellaría deixa aos opositores e opositoras e esíxelle que publique de xeito inmediato as listas.

 A situación cada día e máis grave e non ten xustificación que a estas alturas a Consellaría de Educación non teña publicado a relación das persoas admitidas e excluídas, cando si se apresurou a publicar unha nota de prensa con número de matriculados e sen embargo os propios afectados non saben se a súa matrícula foi aceptada ou non. Segundo a orde os excluídos teñen un prazo de 5 días para reclamar que dificilmente se vai poder cumprir cando o primeiro exame está convocado para o próximo venres.

Tribunais

Así mesmo a CIG-Ensino tamén esixe que se fagan publico os lugares nos que van actuar os tribunais porque a esta altura as persoas opositoras tampouco saben onde se van ter que desprazar para facer as probas e mesmo onde se van ter que aloxar.