Reunión da Mesa de Universidades do día 26 de febreiro
Mesa de Universidades
Reunión da Mesa de Universidades
26
de febreiro de 2007 reuniuse a Mesa Sectorial de Universidades -órgano de negociación entre a
Administración, as Universidades e as organizacións sindicais-. Nesta reunión fíxose unha primeira
aproximación ao traballo que se quere levar adiante nos vindeiros meses no seo
da Mesa Sectorial. Se ben a
Dirección Xeral de Ordenación
Universitaria non
presentou propostas nin calendario concreto, nos próximos meses será preciso
abordar tanto reformas normativas, como o plano de financiamento e os
complementos retributivos. A CIG considera prioritario, e así o fixo saber na
Mesa, o debate sobre unha proposta de Lei de Universidades de Galicia que
estableza o modelo de ensino universitario galego tan pronto resulte aprobada a
reforma da
LOU.
En relación con outras
cuestións a CIG propuxo abordar de inmediato a definición da forma de
integración e a regulación do status do persoal investigador coa participación
da Dirección Xeral de I+D de acordo co criterio de que todo/a traballador/a debe
ver recoñecidos o conxunto dos seus dereitos
laborais.
En canto aos complementos retributivos a CIG defendeu que debe existir un complemento que, con carácter xeral, corrixa o desfase retributivo no que se atopa o conxunto do profesorado universitario, sen prexuízo da existencia doutros complementos de perfil docente ou investigador.
O
Director Xeral informou que se instou á CENAI a avaliar "sexenios"
de
profesorado contratado
doutor a fin de que podan solicitar os complementos retributivos
autonómicos. Nesta liña parece
existir un plan piloto na Comunidade de Madrid que confían se estenda ao
conxunto do profesorado. Polo que
respecta aos complementos de excelencia curricular informa de que na vindeira
convocatoria está prevista a inclusión dun baremo que permita unha elección
adecuada dos méritos a achegar.
Novas relacionadas
