A CIG-Ensino renova mañá sábado a súa dirección no VII Congreso
Este sábado, día 17 de xuño, baixo o lema “Profesorado valorado nunha educación pública e galega”
Para a CIG-Ensino este Congreso ten especial relevancia porque está prevista a renovación do 40% da súa Executiva e, sobre todo, porque o que foi o seu secretario nacional nos últimos 16 anos, Anxo Louzao, dá paso ao relevo xeracional, logo de toda unha vida de compromiso co sindicalismo nacionalista e de loita por un ensino público, gratuíto, laico, científico e galego.
Durante o seu mandato, Louzao e as compañeiras e compañeiros que canda el traballaron intensamente no ámbito do ensino conseguiu situar á federación como primeira en capacidade de mobilización e en afiliación e como maioritaria en representatividade, tanto no ensino público non universitario, onde ten o 46% -case maioría absoluta- como no ensino universitario, incrementándoa tamén no ensino privado.
Pechado o prazo de presentación de candidaturas, confírmase que só unha concorrerá á Secretaría nacional, á Executiva federal e ao Consello Confederal, todas elas encabezadas por Xesús Bermello.
O seu inicio está previsto para as 10:30 horas e o acto de clausura dará comezo ás 16:30 horas.
Horarios
10:00 Recepción de congresistas.
10:30 Regulamento do congreso e votación. Apertura do congreso.
11.00 Informe de xestión económica. Informe da Executiva Federal e votación.
12.15 Elección da Mesa Presidencial. Presentación e debate dos estatutos e do Relatorio de acción sindical.
12.50. Presentación de candidaturas.
13:00. Votacións.
14:00. Xantar.
16:30. Acto de clausura
- Intervención das delegacións convidadas.
- Presentación dos candidatos e candidatas electas.
- Resolucións do congreso.
- Intervención do secretario xeral da CIG.
Clausura polo secretario nacional da CIG-Ensino electo.