Isto agrávase, se cabe, polo feito de que ao comezo de curso moito profesorado está pendente do seu nomeamento e ao ver que as prazas que lle poderían interesar aparecen e desaparecen diante dos seus ollos sen ser adxudicadas fai que se dubide moito da limpeza dun proceso, que debe ser pulcro e transparente.

A esta desaparición de prazas hai que sumar que as listas aínda non foron actualizadas despois do proceso selectivo realizado o curso pasado, o que crea incerteza por parte do persoal substituto e interino.

Desde a CIG-Ensino esiximos a actualización das listaxes de substitucións e que estas prácticas sexan corrixidas e que toda praza que apareza no listado teña xustificación pública para a súa desaparición.