Presentación 17 de maio Santiago 2016
2/5/2016 Queremos Galego reivindicará cambios na lexislación que eviten decretazos como o do ensino ou sentenzas como a do TSXG
Membros da xestora nacional da plataforma cidadá Queremos Galego, que agrupa a máis de 600 colectivos sociais de diversos ámbitos, compareceron esta mañá diante dos medios de comunicación para presentar a convocatoria de manifestación do 17 de maio, que congregará miles de persoas “mostrando, máis unha vez, que a inmensa maioría do pobo galego quere a súa lingua e accións políticas reais e efectivas apra repola e rehabilitala en todos os espazos”.
Presentación Correlingua 2016
19/4/2016 A 16ª edición do Correlingua foi presentada na mañá do 19 de abril en Pontevedra
No acto participaron 70 alumnas e alumnos dos tres centros gañadores dos certames de Manifesto, Vídeo e Banda Deseñada. A edición 2016 do Correlingua, carreira pola lingua do alumnado de todos os ciclos educativos organizada pola CIG-Ensino, a Asociación Socio-Pedagóxica Galega (AS-PG) e a Mesa pola Normalización Lingüística, coa colaboración dos Concellos de Pontevedra, Vigo, A Coruña, Lugo, Santiago de Compostela e Ourense, e as Deputacións de Lugo, Pontevedra e a Coruña.
Concentración Queremos Galego TSXG
14/4/2016 Durante o acto entregouse un escrito dirixido ao presidente da Sala que ditou a sentenza contra o galego
A plataforma cidadá Queremos Galego, composta por máis de 600 colectivos sociais de todo tipo concentrouse esta mañá ás portas da sede do Tribunal Superior de Xustiza de Galiza, para mostrar o seu rexeitamento á sentenza da Sala do contencioso-administrativo, xa recorrida polo Concello de Lugo.
Rolda de prensa Queremos Galego marzo 2016
14/3/2016 O primeiro acto vai ter lugar o mércores 16 de marzo ás 11.30 diante do concello de Lugo
A plataforma cidadá Queremos Galego, composta por máis de 600 colectivos sociais de todo tipo, valorou hoxe a sentenza do TSXG sobre a ordenanza de uso do galego en Lugo, que eliminou algúns aspectos fundamentais como o dereito da cidadanía a recibir atención en galego por parte de servizos contratados pola administración a empresas privadas.
CONCENTRACION CELGA 25 DE MARZO DE 2014
7/3/2016 O Tribunal Supremo ratifica as sentenzas gañadas pola CIG-Ensino no TSXG
O Tribunal Supremo vén de declarar a inadmisibilidade do recurso de casación interposto pola Xunta de Galiza contra a resolución do Tribunal Superior de Xustiza de Galiza que declaraba nulos os despedimentos do profesorado Celga levados a cabo pola Consellaría de Educación.
17 de maio 2013 CIG ENSINO PANCARTA
22/1/2016 Para a CIG-Ensino, o informe do Consello de Europa é un novo argumento a prol da derrogación do Decreto 79/2010
A CIG-Ensino esixe da Consellaría que deixe de mentir e de atacar o noso idioma. O cuarto informe do Comité de Expertos da Carta Europea das linguas pon en evidencia a actitude da Consellaría de Educación pois constata a neglixencia e os incumprimentos da Administración, o descenso no uso do noso idioma e a falta de obxectividade da Consellaría na análise da situación, pois, como comprobou o Comité de expertos, achegou datos que están en contradición cos fornecidos por entidades non gobernamentais a prol do idioma e non ten en conta estudos independentes. En conclusión, para a CIG-Ensino este informe sinala claramente a Consellaría de Educación como culpábel da situación do idioma e fai unha valoración absolutamente negativa da política lingüística da Xunta.
 
12/1/2016 A CIG-Ensino vén reclamando reiteradamente que a convocatoria de axudas se realice co inicio do curso
A Consellaría publicou o pasado 30 de decembro (vacacións do Nadal) a convocatoria para a presentación de proxectos de fomento do uso do galego nos centros de titularidade pública para o curso escolar 2015/16. Un ano máis, a Consellaría recunca no recorte das axudas para a promoción da lingua galega.
 
12/1/2016 A CIG-Ensino vén reclamando reiteradamente que a convocatoria de axudas se realice co inicio do curso
A Consellaría publicou o pasado 30 de decembro (vacacións do Nadal) a convocatoria para a presentación de proxectos de fomento do uso do galego nos centros de titularidade pública para o curso escolar 2015/16. Un ano máis, a Consellaría recunca no recorte das axudas para a promoción da lingua galega.
 
20/10/2015 A Mesa pola Normalización Lingüística, a CIG-Ensino e a profesora Ana Belén Tajes mantiveron unha reunión co secretario xeral de Política Lingüística
A Mesa pola Normalización Lingüística e a CIG-Ensino valoran positivamente a información que lles trasladou a SXPL mais lembran que non pode quedar en palabras senón que ten que actuar con urxencia para evitar máis actuacións de discriminación lingüística.
Presentación escrito conselleiro Política Social
16/10/2015 Denuncian a persecución que sufre unha traballadora por empregar a lingua galega
O secretario nacional da CIG-Ensino, Anxo Louzao, e o presidente da Mesa Pola Normalización Lingüística, Marcos Maceira, presentaron este venres 16 de outubro, no Rexistro Xeral da Xunta, un escrito dirixido ao conselleiro de Política Social no que lle solicitan que actúe de inmediato e paralice a persecución que está a sufrir unha traballadora do centro Jungle World por empregar o noso idioma nas aulas que imparte. A CIG-Ensino e A Mesa esíxenlle ao conselleiro de Política Social que adopte as medidas pertinentes para garantir os dereitos lingüísticos de todo o persoal que traballa no centro, pero tamén unha oferta positiva do galego, tal e como establece a Lei de Servizos Sociais.
Jungle World discrimina a unha traballadora por usar o galego
14/10/2015 Falamos do centro Jungle World de A Coruña
A CIG-Ensino e a Mesa Pola Normalización Lingüística denunciaron a persecución e represión que está a sufrir unha traballadora dun centro de atención á infancia da Coruña por empregar o noso idioma nas aulas que imparte. O racismo lingüístico desta empresa chega a tal punto que mesmo remitiu unha circular interna prohibindo calquera comunicación en galego e advertindo que o incumprimento desta orde será considerada “falta grave”.
Concentracion celga 29 de abril
20/8/2015 Venres 21 de agosto no DOG
A CIG-Ensino recibiu hoxe a comunicación da Secretaría Xeral de Política Lingüística de que no DOG de mañá venres publicarase a convocatoria de cursos CELGA, un total de 30 cursos.
Entrega ILP Castelao
22/7/2015 Tras cumprir co requisito exixido, continua o trámite lexislativo para que o conxunto obra de Castelao poda ser debidamente contemplada
Pilar García Negro, portavoz da Comisión promotora: “Castelao continúa duplamente enterrado para a poboación galega. O obxectivo da ILP é rematar coa ocultación da súa figura e da súa obra. Queremos que a utilización do seu nome non sexa en van”
Concentracion celga 31 de marzo 2014
18/5/2015 O secretario nacional da CIG-Ensino e unha representación do profesorado CELGA esixíronlle ao conselleiro a readmisión dos e das docentes despedidos/as
O conselleiro de Educación comprometeuse este luns 18 de maio, coa CIG-Ensino e profesorado CELGA, a no prazo dunha semana estudar a nova situación co fin de solucionar o conflito. Nesta xuntanza á que asistiron tamén o secretario xeral de Política Lingüística e o director xeral da asesoría xurídica, o secretario nacional da CIG-Ensino e unha representación do profesorado CELGA esixíronlle ao conselleiro a readmisión dos e das docentes despedidos/as, unha vez que diferentes tribunais do social e o TSXG xa teñen declarado 41 despidos nulos.
Queremos Galego cartaz 17 maio 2015
18/5/2015 A plataforma, da que fai parte a CIG, convoca mobilizacións en todo o país con motivo do Día das Letras Galegas
A plataforma Queremos Galego! chama a reivindicar nas rúas de Galiza o noso idioma como “garantía de futuro” o vindeiro domingo 17 de Maio, Día das Letras Galegas. O colectivo, do que fai parte a CIG-Ensino, convoca manifestacións e concentracións por todo o país en defensa da lingua propia.
Peche CELGA Secretaría Xeral
7/5/2015 Vai ser o 18 de maio ás 13:00 horas
A CIG-Ensino conxuntamente co profesorado CELGA pecháronse este xoves 7 de maio nas dependencias da Secretaria Xeral de Política Lingüística para esixir o cumprimento das sentenzas e que se readmita a estes docentes. Das 65 demandas presentadas, xa hai 50 resolucións xudiciais que declaran nulos os despedimentos.
O galego, garantía de futuro
5/5/2015 Asina o manifesto e infórmate de todas as mobilizacións previstas para o 17 de maio
O galego garantía de futuro, ten pasado e presente. É a máis grande obra colectiva do pobo galego. Galiza, o galego, non desaparecerá mentres non deixemos de usalo, mentres nós reivindiquemos a súa normalidade e actuemos no noso día a día para revitalizalo.
Correliguna Compostela 2015
4/5/2015 Baixo o lema: “Galego, a nosa creación común”, doce carreiras pola lingua percorrerán 12 localidades galegas entre o 4 e o 15 de maio
A edición 2015 do Correlingua, carreira pola lingua do alumnado de todos os ciclos educativos organizada pola CIG-Ensino, a Asociación Socio-Pedagóxica Galega (AS-PG) e a Mesa pola Normalización Lingüística, coa colaboración. entre outros,dos Concellos de Pontevedra, Vigo, Lugo e Ourense xunto coa Deputación de Lugo, deu o seu pistoletazo de saída na capital galega este luns 4 de maio.
17 de maio de 2015
22/4/2015 Manifestacións e concentracións encherán rúas e prazas de diferentes cidades e vilas galegas
A plataforma cidadá Queremos Galego, presentou hoxe aos medios de comunicación os actos que terán lugar en diferentes cidades galegas o 17 de maio ás 12 do mediodía, e xa confirmados na Coruña, Ferrol, Foz, Lugo, Ourense, Pontevedra, Santiago e Vigo e sobre os que se irán dando máis datos a través da web www.queremosgalego.org e as redes sociais. A convocatoria terá lugar baixo o lema Galego, garantía de futuro, porque, segundo indicou Marcos Maceira, portavoz da plataforma cidadá, a existencia e a normalidade da lingua galega é a garantía da existencia e do futuro do pobo galego, lembrando que ningún pobo pode aspirar ao progreso e ao avance social de costas á súa lingua.
Presentación correlingua 2015
20/4/2015 A 15ª edición do Correlingua foi presentada hoxe en Compostela. No acto participaron 60 alumnos e alumnas de dous centros, gañadores dos certames de Vídeo e Manifesto
A edición 2015 do Correlingua, carreira pola lingua do alumnado de todos os ciclos educativos organizada pola CIG-Ensino, a Asociación Socio-Pedagóxica Galega (AS-PG) e a Mesa pola Normalización Lingüística, coa colaboración dos Concellos de Pontevedra, Vigo, Lugo e Ourense xunto coa Deputación de Lugo, foi presentada esta mañá na Biblioteca Anxel Casal de Compostela.
CONCENTRACION CELGA 25 DE MARZO DE 2014
10/4/2015 A CIG-Ensino esíxelle á Consellaría de Educación que convoque os cursos CELGA deste ano que mantén paralizados
A Consellaría de Educación vén de trasladarlle á CIG-Ensino a súa intención de nomear o profesorado CELGA que teña sentenza favorable do Tribunal Superior de Xustiza de Galiza, como persoal laboral non fixo (indefinido) descontinuo.
Obradoiro Folga contra decreto
27/3/2015 Posición da CIG-Ensino ante a sentenza do Tribunal Supremo sobre o Decreto de Plurilingüismo
Unha vez máis a Consellaría de Educación mente cando afirma no seu comunicado de prensa que o TSXG avalou no seu día a legalidade do Decreto 79/2010, cando a realidade é que o TSXG, en resposta a varios recursos presentados contra o Decreto, entre outros pola CIG-Ensino, declarou ilegais aspectos fulcrais do Decreto: “O TSXG tumbaba os alicerces nos que se baseaba o propio decreto pensado para a desaparición do idioma, a consulta aos pais e a liberdade de uso de lingua para o alumnado na aula, elementos introducidos no seu día polo PP co obxectivo de reducir a presenza do noso idioma , subliña o Secretario Nacional da CIG-Ensino, Anxo Louzao.
PECHE CELGA 1
26/3/2015 A CIG-Ensino exíxelle ao conselleiro que readmita o profesorado despois de gañarse 28 sentenzas nos xulgados do social de Galiza e 4 sentenzas no TSXG
O Tribunal Superior de Xustiza de Galiza (TSXG) vén de darlle, de novo, a razón á CIG-Ensino e ao profesorado CELGA con dúas novas sentenzas que desestiman os recursos presentados pola Consellaría de Educación e ratifican a nulidade dos despedimentos de dúas profesoras. Estas sentenzas súmanse a dúas anteriores nas que o TSXG tamén confirmou as sentenzas dos xulgados do social. O Tribunal imponlle á Xunta, igual que nos casos anteriores, custas por unha contía de 600 euros.
Concentracion celga 31 de marzo 2014
20/2/2015 A CIG-Ensino, despois das 28 sentenzas gañadas nos diferentes xulgados do social de Galiza e das dúas sentenzas do TSXG, exíxelle ao novo conselleiro que asuma as resolucións xudiciais, readmitindo o profesorado que viña impartindo os cursos CELGA
O Tribunal Superior de Xustiza de Galiza vén de darlle, de novo, a razón á CIG-Ensino cunha segunda sentenza que declara nulo o despedimento dunha profesora que impartía cursos CELGA. O TSXG volve rexeitar o recurso presentado pola Xunta, confirmando a sentenza de instancia e impoñéndolle á Xunta de Galiza as custas por unha contía de 600 euros, en iguais termos que a anterior. A actitude represiva e persecutoria da Consellaría con este persoal é obvia e así o declaran as dúas sentenzas que textualmente recollen o seguinte: ”queda evidenciada a propia existencia da represalia e isto no caso de autos tórnase máis que evidente pois a Xunta de Galiza decidiu precisamente cambiar o sistema de cursos de CELGA no momento en que as reclamacións de laboralidade dos profesores CELGA estaban empezando a ter acollida e decidiu cambialo, precisamente para deixar fóra aquel profesorado CELGA que se vían beneficiados pola denuncia sindical” .
Manifestación Queremos Galego 8 de febreiro 2015
9/2/2015 Milleiros de persoas percorreron as rúas da capital de Galiza baixo o lema “Polas fillas dos nosos fillos”
Milleiros de persoas –máis de 25.000- ateigaron este domingo a Praza da Quintana para reclamar o dereito a vivir en galego, denunciar os ataques do PP á nosa lingua e exixir medidas que garantan o seu futuro. A manifestación da plataforma cidadá Queremos Galego, da que forma parte a CIG, foi convocada baixo o lema “Polas fillas dos nosos fillos” e percorreu as rúas compostelás encabezada por un grupo de rapazas e rapaces que portaban unha pancarta na que se lía “Por nós”.
Rolda de prensa pola situación das demandas de despedimento do profesorado CELGA
26/1/2015 Anxo Louzao denuncia a actitude represiva e vingativa da Consellaría de Educación
A CIG-Ensino repasou en rolda de prensa, este luns 26 de xaneiro, a situación na que se atopa o conflito do profesorado que impartía cursos preparatorios para o CELGA e que foi despedido pola Consellaría de Educación o pasado ano. Neste momento, explicou o secretario nacional, Anxo Louzao, das 52 demandas presentadas, a CIG-Ensino leva gañadas nos xulgados do social 26 sentenzas que declaran os despedimentos nulos ou improcedentes. Anxo Louzao e Ana Rodiño, membros da Executiva, pediron a dimisión do conselleiro e do secretario xeral de Política Lingüística por actuar de maneira “represiva e vingativa”.
Rolda de prensa para denunciar a situación do galego no ensino
20/1/2015 Fai un chamamento a participar na manifestación convocada por Queremos Galego! Para o vindeiro día 8 de febreiro en Compostela
O secretario nacional de CIG-Ensino, Anxo Louzao, compareceu esta mañá en rolda de prensa xunto con Marta Dacosta, membro da executiva da federación, para analizar a situación na que se atopa o galego no ensino e presentar toda unha serie de medidas imprescindíbeis para mudar a “dramática” situación na que se atopa a nosa lingua tras 30 anos de gobernos do PP. Un período no que se aplicou unha política lingüística “contranatura” que tiña como obxectivo acelerar o proceso de “españolización” e conseguir unha “total asimilación lingüística, nomeadamente da mocidade”.
17 de maio 2013 CIG ENSINO PANCARTA
12/1/2015 A Consellaría mantén a súa política de recortes mentres a nosa lingua perde falantes
A Consellaría publicou o pasado venres a Orde do 30 de decembro de 2014 pola que se anuncia a convocatoria para a presentación de proxectos de fomento do uso do galego nos centros de titularidade pública para o curso escolar 2014/15. Nesta convocatoria podemos comprobar que a Consellaría recunca no recorte das axudas para a promoción da lingua galega, xustamente no mesmo curso escolar en que os datos oficiais do Instituto de Estatística sinalan a perda de falantes da nosa lingua, poñendo o acento nas xeracións máis novas sobre as que se conclúe que nas súas 3/4 partes nunca falan en galego. Fronte a esta evidencia, a Consellaría de Educación e a Secretaría Xeral de Política Lingüística culpan as familias e os galegofalantes e eluden a súa propia responsabilidade.
2014 Queremos Galego
22/10/2014 Unha representación da Plataforma cidadá deu lectura pública a este manifesto nas portas da Cámara galega
Unha representación da Plataforma cidadá Queremos Galego –da que fai parte a CIG- fixo, este mércores, unha lectura pública do “Manifesto por un compromiso real e efectivo co Plan Xeral de Normalización da Lingua Galega” ás portas do Parlamento de Galiza, denunciando o "cinismo" da Xunta que se evidencia no acto oficial montado para “celebrar” o décimo aniversario do PXNLG, poucos días despois de renegar no propio Parlamento do Plan Xeral e rexeitar unha proposición non de lei que o instaba simplemente a aplicar o que fora aprobado por unanimidade dez anos atrás.
17 de maio 2013 CIG ENSINO PANCARTA
29/9/2014 Exixímoslle á Consellaría de Educación que abandone o seu modelo de trilingüismo e mude a súa actitude galegófoba
A pasada semana, o Tribunal Superior de Xustiza Balear fallaba en contra do Decreto de Trilingüismo aprobado polo goberno das Illes Balears en abril de 2013. Este Decreto está inspirado no Decreto de Plurilingüismo imposto polo goberno do PP da Xunta de Galiza no noso país tres anos antes. Por este motivo, a situación e o debate que se xera garda certas semellanzas coas do noso país, especialmente no que ten a ver coa xurisprudencia sobre este modelo lingüístico.